ဘာသာရေးခုတုံးလုပ် နိုင်ငံရေးအမြတ်ထုတ်မယ့် ပွဲလေလား

အခုတလော forward mail တွေမှာ ဘာသာရေးနဲ့ဆိုင်တဲ့ mail တွေ ၀င်ဝင်လာတာမှာ သတိထားစရာလေးတွေ တွေ့မိပါတယ်။

ဒီလိုမေးလ်မျိုး ဟိုးအရင်ကလည်း ၀င်လာဖူးပါတယ်။ အဲ့ဒီတုန်းကတော့ ဗုဒ္ဓဘာသာနဲ့ မူစလင် ဘာသာ နှစ်ခုကို ရန်တိုက်ပေးတဲ့ သဘောမျိုးဆောင်တဲ့ မေးလ်တွေ၊ မူစလင်က မကောင်းဘူး ဘာညာစသဖြင့် မူစလင်ဘာသာကိုပဲ လေ့လာထားတဲ့သယောင်ယောင် သေသေချာချာ သိလေသယောင် နဲ့ ပုတ်ခတ်တဲ့ အဲ့ဒီစာတွေ အကြောင်းအရာတွေ မေးလ်တွေထဲပြန့်လာတဲ့ အချိန်ဟာ ရိုဟင်ဂျာနဲ့ မြန်မာ့အရေးကို နိုင်ငံတကာက အာရုံစိုက်နေတဲ့ အချိန်တွေနဲ့ တိုက်ဆိုင်နေပါတယ်။

အခု ရိုဟင်ဂျာ ကိစ္စ နည်းနည်း ငြိမ်သွားတဲ့အချိန်မှာ အဲ့ဒီ ပိုစ့်တွေ မေးလ်တွေကို သိပ်မတွေ့ရတော့ပဲ ဒီတခါမှာတော့ ဗုဒ္ဓဘာသာနဲ့ ခရစ်ယာန် ဘာသာ နှစ်ခု နှိုင်းယှဉ်ချက် ဆိုပြီးတော့ တဖက်ဘာသာကို သာသာထိုးထိုး နှက်ဆော်ထားတဲ့ အရေးအသားမျိုးနဲ့ စာတွေကို တွေ့ရပြန်ပါတယ်။

တကယ်တော့ ...


အဲ့ဒီပို့စ်တွေ စာတွေကို ရေးသားတဲ့သူဟာလည်းပဲ တကယ်တန်းမှာ ခရစ်ယာန်ဘာသာကို ထဲထဲဝင်ဝင် လေ့လာထားဟန် မရှိပါဘူး။ သူလိုရာကိုပဲ ဆွဲရေးပြီးတော့ ရန်တိုက်တဲ့ သဘောပဲ ဆောင်နေပါတယ်။ ဒါတင်မကသေးပါဘူး။ အဲ့ဒီ စာရေးသူဟာ ဗုဒ္ဓဘာသာကိုလည်း သေချာလေ့လာထားဟန် မရှိသလို ဗုဒ္ဓရဲ့တရားတော်တွေရဲ့ အနှစ်သာရ အစစ်အမှန်ကို သိဟန်မတူပါဘူး။

ဒီလိုပဲ တဖက်မှာလည်း ဗုဒ္ဓဘာသာဝင်တွေနဲ့ ဗုဒ္ဓဘာသာကို ချိုးနှိမ်တဲ့အရေးအသားတွေနဲ့ ဘလော့ဂ်တခု ပေါ်လာနေပါတယ်။ ဗုဒ္ဓဘာသာဝင်တွေဟာလည်း အဲ့ဒီဘလော့ဂ်ကို ပိတ်ပေးဖို့ Google ကို တိုင်ကြားဖို့တွေ လုပ်ကြတာတွေ၊ အဲ့ဒီ ဘလော့ဂ်ကို လက်ဆင့်ကမ်းပေးဖတ်ကြ၊ စိတ်ဆိုးကြ၊ စာတွေ အပြန်အလှန်ရေးကြနဲ့ ဖြစ်နေပြန်ပါတယ်။

ဒီဟာတွေ အားလုံးကို သေချာ ခြုံငုံ လေ့လာကြည့်မယ်ဆိုရင် တစုံတယောက် ဒါမှ မဟုတ် အသင်းအဖွဲ့ တခုခုက ရည်ရွယ်ချက် ရှိရှိနဲ့ ဘာသာရေး ပဋိပက္ခတွေ ဖြစ်အောင် နောက်ကွယ်ကနေ ဖန်တီးနေတယ်ဆိုတာ သိသာထင်ရှားလွန်းပါတယ်။

အရင်တုန်းက ကျမတို့ ကျောင်းမှာ သင်ရတဲ့ သမိုင်းတွေထဲမှာ ကိုလိုနီခေတ်တုန်းက အင်္ဂလိပ်အစိုးရက ကျောင်းသားတွေ သပိတ်မှောက်မှာကို အာရုံပြောင်းချင်တော့ “မော်လ၀ီနဲ့ ယောဂီ” ဆိုတဲ့ စာအုပ်ကို တမင်ထုတ်ဝေခွင့်ပေးလိုက်ပြီး ဘာသာရေး အဓိကရုဏ်းကို ဖန်တီးခဲ့ပါတယ်။ အဲ့ဒီလို လုပ်လိုက်တဲ့အတွက် အခိုက်အတန့်တော့ သူတို့ကို ပြန်တော်လှန်မယ့်လုပ်ငန်းစဉ်တွေကို အာရုံလွှဲပြောင်း တားဆီးခဲ့ပါတယ်။

အခုနောက်ပိုင်း လူငယ်လေးတွေတော့ ဒီအကြောင်းကို ကျောင်းက သမိုင်းသင်ခန်းစာမှာ သင်ရသေးရဲ့လား မသိပါဘူး။
လက်ရှိအခြေအနေမှာလည်း အာဏာကို မတရားသဖြင့် လက်ကိုင်အမြဲစွဲထားလိုတဲ့ လူတစုဟာ သူတို့ အုပ်ချုပ်နေခဲ့တဲ့ ကာလအဆက်ဆက်မှာ သူတို့ကို ပြန်တော်လှန်မယ့်အခြေအနေဖြစ်လာတိုင်း၊ သူတို့ ကျဆုံးတော့မယ့် လမ်းစအခြေအနေ ပေါ်ပေါက်လာတိုင်း အလားတူ ဘာသာရေး အဓိကရုဏ်းတွေကို ဖန်တီးတဲ့ သာဓကတွေ အများကြီးရှိပါတယ်။

လွတ်လပ်ရေး ရပြီးကတည်းက ဖြတ်သန်းခဲ့သမျှ သမိုင်းတလျှောက်လုံးကို ကြည့်ရင် ဖြစ်ခဲ့တဲ့ ကုလား-ဗမာ အရေးအခင်းဆိုတဲ့ မူစလင်နဲ့ ဗုဒ္ဓဘာသာဝင်တွေ ဖြစ်ခဲ့တဲ့ ပြဿနာတွေ အားလုံးရဲ့ နောက်ကွယ်မှာ ဒီလိုလူတစုက ရှိနေတာကို တွေ့ရပါတယ်။ အဲ့ဒီလိုဖြစ်ပြီးတိုင်းမှာလည်း တနှစ်ခွဲ နှစ်နှစ်လောက် ကာလအတွင်းမှာ အခြားသော လူထု လှုပ်ရှားမှုတွေ မဖြစ်လာပဲ စစ်အစိုးရအဖို့ အေးအေးဆေးဆေး နေနိုင်နေတာကို တွေ့ရပါမယ်။

စစ်အစိုးရဟာ သူတို့မှာ အကြပ်အတည်းတခုခု ရှိလာပြီ၊ သူတို့အပေါ် လူထုက တအား အာရုံထားလာပြီဆိုရင် လူထုကို အာရုံလွှဲပြောင်းအောင် တမျိုးမျိုးတော့ ရှာဖွေကြံဖန် လုပ်နေတာ သာဓကတွေ အများကြီးပါ။

ဒီကိစ္စတွေကို ရင့်ကျက် ပြည့်ဝတဲ့ လူကြီးတွေ၊ ဘာသာပေါင်းစုံက ဆရာသမားကြီးတွေ အကုန်လုံး သိကြပါတယ်။ အဲ့ဒီလို ဘာသာရေး ပြဿနာတွေဖြစ်တိုင်းဖြစ်တိုင်း ပြဿနာရဲ့ အရင်းအမြစ်မှာ စိတ်မြန်လက်မြန်ဖြစ်တဲ့ လူငယ်လေးတွေက စတာကို တွေ့ရပါတယ်။ ဘာလို့ဆိုတော့ လူကြီးတွေဆိုတာ အတွေ့အကြုံတွေများတယ်၊ ဗဟုသုတတွေများတယ်၊ ဒီတော့ တယောက်ယောက်က ရန်တိုက်စကားပြောလာရင် စဉ်းစဉ်းစားစား တုံ့ပြန်ကြတော့ ပြဿနာမီးမွှေးဖို့ မလွယ်ကူပါဘူး။

ဒီ့အတွက် ပြဿနာ ဖြစ်စေလိုတဲ့သူတွေက သွေးဆူလွယ်တဲ့ လူငယ်ထုကို အရင်ဆုံး အသုံးချပြီး မီးမွှေးပါတယ်။ အဲ့ဒီ မီးစ တောက်လောင်လာပြီဆိုမှ တဖြည်းဖြည်းနဲ့ ကျန်တဲ့သူတွေကို ပါဝင်စေပါတယ်။ အဲ့ဒီလို ပြဿနာက အကြီးကြီး ဖြစ်လာပြီ ဆိုရင်တော့ အစောက ပြဿနာ အစဖော်ပေးတဲ့သူတွေဟာ ကြက်ပျောက်ငှက်ပျောက် ပျောက်ကုန်ပါတယ်။

ဖြစ်ခဲ့တဲ့ ဘာသာရေး အဓိကရုဏ်းတွေမှာ ပြဿနာ စရှာတဲ့သူတွေကို အာဏာပိုင်တွေက လုံခြုံရေးတွေ ပေးထားတာ၊ ခနလေး အဖမ်းပြပြီးတော့ တနေရာမှာ ပြန်ပြီးဖွက်ထားပေးတာ၊ အဲ့ဒီသူတွေကို ငွေကြေးအလုံအလောက်ပေးတာတွေ သက်သေ သာဓကတွေ အများကြီးရှိခဲ့ပါတယ်။

“မော်လ၀ီနဲ့ ယောဂီ” က စပြီး ရန်စရှိခဲ့တဲ့ ဘာသာ ၂ခုကို ရန်တိုက်ပေးဖို့ရာက လွယ်ကူနေတော့ ဒီဘာသာ ၂ခုကိုပဲ တိုက်တိုက်ပေးလာတာ အတော်ကြာပါပြီ။ ဒါပေမယ့် အခုအချိန်မှာ နှစ်ဘက် ဘာသာတွေက လူကြီးတွေ၊ ဆရာသမားတွေဟာ အကြံပက်စက်တဲ့ သူတွေရဲ့ ပြဿနာ ဖော်ပေးတတ်တဲ့ အကြံအစည်ကို သိလာမြင်လာတဲ့အခါမှာ အဲ့ဒီလူတွေအဖို့ ပြဿနာ မီးထွန်းရှာဖို့ အနည်းငယ် ခက်ခဲလာပါတယ်။

ရိုဟင်ဂျာကိစ္စဖြစ်တုန်းက အဲ့ဒါကို အခွင့်ကောင်းယူပြီး မူစလင်နဲ့ ဗုဒ္ဓဘာသာ ပြဿနာဖြစ်အောင်လုပ်တယ်။ ဒါပေမယ့် ဖြစ်မလာခဲ့ဘူး။

ဒီတော့ အရင်က ဘာမှ ရန်ငြိုးရန်စ မရှိပဲ အေးအေးချမ်းချမ်း ချစ်ချစ်ခင်ခင် နေလာခဲ့တဲ့ ခရစ်ယာန်ဘာသာဖက်ကို လှည့်လာပြန်ပါတယ်။

ဒီ့ထက် ပိုပြီး ရှုပ်ထွေးအောင်လို့ ဗုဒ္ဓဘာသာကို စော်ကားပြန်တဲ့ အကြောင်းအရာတွေကို ဖန်တီးပြန်ပါတယ်။
ဒီမှာတင် ဘာသာအယူအဆ ကွဲလွဲတဲ့ လူငယ်တွေကြားထဲမှာ အခြေအတင် ငြင်းကြခုန်ကြ၊ စကားတွေများကြ၊ ဆဲကြဆိုကြနဲ့ ရှုပ်ထွေးမှုတွေ စဖြစ်လာနေပါပြီ။

လူငယ်တွေ သေချာ စဉ်းစားကြည့်ကြပါ။ ပြည့်ဝ ကြပါ။ အသိတရား ရှိကြပါ။ လေ့လာပါ။ နိုင်ငံရေးကို နားမလည်ဘူး၊ မသိဘူး၊ ကိုယ်နဲ့ မဆိုင်ဘူးဆိုပြီး မနေကြပါနဲ့။ နိုင်ငံရေးဆိုတာ ဒို့အရေးလို့ အော်နေမှ၊ အစိုးရ မကောင်းကြောင်းပြောနေမှ၊ အစိုးရကို ဆန့်ကျင်နေမှရယ်လို့ မဟုတ်ပါဘူး။ ကိုယ့်ပတ်ဝန်းကျင်မှာ ကိုယ့်တိုင်းပြည်မှာ ဘာတွေဖြစ်ခဲ့လဲ၊ ဘာတွေဖြစ်နေလဲဆိုတာကို လေ့လာဆင်ခြင်ကြည့်ဖို့ လိုပါတယ်။ ကိုယ့်ပတ်ဝန်းကျင်မှာ ဖြစ်နေတဲ့ အရေးအရာတွေ အားလုံးဟာ အနည်းနဲ့ အများ ကိုယ့်ကို၊ ကိုယ့်မိသားစုကို ရိုက်ခတ်လာနေတာ ချည်းပါပဲ။

အခုဆိုရင် အစိုးရက ရွေးကောက်ပွဲ လုပ်ဖို့ ရှိနေတယ်။ ဒီရွေးကောက်ပွဲကို အလိုရှိသူ မရှိသူတွေနဲ့ဖြစ်နေတယ်။ အစိုးရက ရွေးကောက်ပွဲကို တရားမျှတမှုရှိအောင် လုပ်မယ်ပြောတာကို ဘယ်သူကမှ မယုံကြဘူး။ ဒီလိုမယုံတဲ့အတွက် ဆန့်ကျင်တဲ့သူကများနေတယ်။ ဆန့်ကျင်တဲ့သူ များတဲ့အတွက် အစိုးရက သူ့ကို ပုန်ကန်မှာ၊ တော်လှန်မှာကို စိုးရိမ်နေတယ်။
နောက်တခုက သူတို့တွေဟာ နိုင်ငံရေး အရ လူထုရဲ့ အာရုံကိုပြောင်းပြီး သူတို့လည်း နာမည်ကောင်း ၀င်ယူရအောင် တချက်ခုတ် နှစ်ချက်ပြတ် အနေနဲ့ တခုခု လုပ်မှာပါပဲ။

၅၀၀၀ တန်တွေထုတ်တယ်၊ လစာတွေတိုးပြီး ကုန်ဈေးနှုန်း မငြိမ်အောင်လုပ်မယ်။ ဒီ့အပြင် အရင်ကလိုပဲ သူဖန်တီးနေကျ အထိရောက်ဆုံး လက်နက်ဖြစ်တဲ့ ဘာသာရေး အဓိကရုဏ်းကို ဖန်တီးပါမယ်။ ဒီလိုဖန်တီးတဲ့နေရာမှာ စဉ်းစားတွေးခေါ်မှုနဲ့ ဗဟုသုတ ကြွယ်ဝပြီး အတွေ့အကြုံ ရင့်ကျက်တဲ့လူကြီးတွေကို ဦးတည်ပြီး မဖန်တီးပါဘူး။ အခုအချိန်ကာလက အင်တာနက် အီးမေးလ်ဆိုတာ လူငယ်တွေရဲ့ လက်သုံးဖြစ်နေတော့ အဲ့ဒီ အင်တာနက် အီးမေးလ်တွေကို အသုံးချပြီး လူငယ်တွေရဲ့ စိတ်မြန်မှု၊ သွေးဆူမှုတွေကို အသုံးချပါမယ်။ ဒါတွေဟာ အရမ်းကို ထင်သာမြင်သာ ရိုးရှင်းတဲ့ လုပ်ရပ်တွေပါပဲ။

အခုဖတ်နေရတဲ့ ဘာသာရေး စော်ကားတဲ့ စာတွေကို အပေါ်ယံ ဖတ်လိုက်ရင်တော့ “ဟာ ဟုတ်သားပဲ” “ဟုတ်မှာပဲ” ဆိုပြီး ဟုတ်သလိုလို ထင်ယောင်မှားတာတွေေ၀၀ါးတာတွေ ဖြစ်သွားမှာပါပဲ။ ဒါပေမယ့် သေချာ လေ့လာကြည့်ရင် အဲ့ဒီ စာရေးတဲ့သူ/ သူတွေဟာ သူစော်ကားပြောဆိုနေတဲ့ သူစော်ကားလိုတဲ့ ဘာသာတခုကို သေသေချာချာ ဂဃနဏ လေ့လာသိကျွမ်းနားလည်တဲ့သူ မဟုတ်ဘူးဆိုတာ တွေ့ရမှာပါ။

ဘာသာတရားရဲ့ အဆုံးအမနဲ့ တည်ငြိမ်ရင့်ကျက်တဲ့သူတယောက်ဟာ သူတပါးဘာသာကို စော်ကားမှာ မဟုတ်သလို၊ ဝေဖန်ပြစ်တင် စော်ကားတာမျိုးကိုလည်း ရှောင်ကြဉ်ကြသလို၊ ကိုယ့်ဘာသာကိုလည်း စော်ကားမခံရအောင် ကိုယ့်ရဲ့အနေအထိုင် အကျင့်တရားတွေနဲ့ Action Speaking နဲ့ စောင့်ထိန်းကြပါတယ်။ ကိုယ့်ကို စော်ကားမော်ကား လုပ်လာရင်လည်း ဥပေက္ခာထားသင့်တဲ့အရာကို ဥပေက္ခာတရား လက်ကိုင်ထားပြီး ရင်ဆိုင်ကျော်ဖြတ်ကြပါတယ်။

ကျမတို့ မြန်မာလူငယ်လေးတွေရဲ့ လေ့လာစူးစမ်းစိတ်နဲ့ ဗဟုသုတ နည်းပါးတဲ့ အားနည်းချက်က ပြဿနာရှာလိုသူတွေရဲ့ အသုံးချစရာ လက်နက်ဖြစ်သွားနိုင်ပါတယ်။ များသောအားဖြင့် လူငယ်လေးတွေဟာ (တခါတလေ လူကြီးတွေလည်း ဒီလိုပါပဲ) ကိုယ့်မေးလ်ထဲ ရောက်လာတဲ့ စာတစောင် ပို့စ်တခုကို သေချာမဖတ် မလေ့လာပဲ၊ လက်ညိုးလေး တချက်ကွေးပြီး Forward ဆိုပြီး လုပ်လိုက်တာပဲ။

ကိုယ်ကိုယ်တိုင်ဖတ်မိတဲ့စာကိုလည်း ကျိုးကြောင်းမစဉ်းစားပဲ ဒေါသရှေ့ထားတွေးထင်တာ၊ ဒေါသ ရှေ့ထားပြီး သုံးသပ်လိုက်တာတွေဟာ မှားယွင်းတဲ့လမ်းကို ရောက်သွားစေပါတယ်။ တပါးသူရဲ့ လှည့်ကွက်ထဲကို ရောက်မှန်းမသိ ရောက်သွားတတ်ပါတယ်။

ကိုယ်ပို့လိုက်တဲ့ မေးလ်တစောင်၊ ပို့စ်တခုရဲ့ အတိမ်အနက်၊ အဲ့ဒီထဲက စာတွေရဲ့အဓိပ္ပါယ်နဲ့ ရည်ရွယ်ချက်၊ ဒီစာကို Forward လုပ်လိုက်လို့ စာကိုရတဲ့သူ စာကို ဖတ်လိုက်ရတဲ့သူမှာ ဘယ်လိ်ု အကျိုးကျေးဇူး ရှိမလဲ၊ ဘယ်လို အကျိုးသက်ရောက်မှုတွေ ရှိသွားမလဲ၊ ဥပေက္ခာ (Neglect) ပြုစရာရှိ ဥပေက္ခာပြုထားရမယ်ဆိုတာမျိုးတွေကို အရင်စဉ်းစားဖို့၊ စဉ်းစားတတ်ဖို့ သိပ်ကို အရေးကြီးပါတယ်။

ပျော်စရာ ရယ်ရွှင်စရာ ပုံလေးတွေ စာလေးတွေ forward လုပ်ကြလို့ တဖက်သားကိုလည်း အပျော်လေးတွေ ကူးစက်သွားရသလို ကိုယ် မဆင်မခြင် ပို့လိုက်တဲ့ စာတစောင်ကြောင့် ပဋိပက္ခတွေလည်း ဖြစ်သွားနိုင်တယ်ဆိုတာကို အလေးအနက်ထား စဉ်းစားကြစေလိုပါတယ်။

အနာဂတ်လူငယ်လေးတွေ ပညာပြည့်ဝ နှလုံးလှနိုင်ကြပါစေ။

အညာနွေတမာမြေ