အကယ်ဒမီ

၂ဝဝ၈ ခုနှစ်အတွက် မြန်မာ့ရုပ်ရှင်ထူးချွန်ဆု အကယ်ဒမီပွဲကတော့ ဖေဖေါ်ဝါရီ ၆ ရက်ညက နေပြည်တော်မှာလုပ်ပြီးသွားပါပြီ။ အဲ့ဒီပွဲမှာ ၂ဝဝ၈ ခုနှစ်မှာ ရုံတင်ပြသခဲ့တဲ့ ဇာတ်ကား ၁၂ ကားကနေ အကယ်ဒမီ ၇ ဆုကို ပေးခဲ့ပါတယ်။

အဝေးရောက်နေတဲ့ အညာနွေကတော့ mmtube website ကနေ တိုက်ရိုက်လွှင့်တဲ့ ကြော်ငြာတွေ တလှေကြီးနဲ့ မြန်မာ့အတင်း ည ၈ နာရီ သတင်းတွေကြားက အစီအစဉ်ကို ဆန့်တငန့်ငန့် ကြည့်လိုက်ရပါတယ်။

အကယ်ဒမီ ဗန်းကိုင်တဲ့ မော်ဒယ်မလေးတွေ သူတို့ မရီရင် ရိုက်မယ်များ ပြောထားသလား မသိပါဘူး။ လမ်းလျှောက်တာ အတောင့်လိုက်၊ မျက်နှာတွေက မချိုမချဉ် မရီချင့် ရီချင်၊ ဟန်ဆောင်အပြုံးတွေနဲ့ ပဲကလည်း များလိုက်တာ လွန်ရော .. ကင်မရာကို အမိအရ လိုက်ကြည့်ပြီး ပြုံးနေလိုက်ကြတာများ ကြည့်ရတာ စိတ်မသက်သာလိုက်တာ။

အကယ်ဒမီဆုတွေ ကြေငြာခါနီး ဟောဆို ကြော်ငြာတွေက ၀င်လာလိုက်နဲ့ အတော့်ကို စိတ်ရှည်ရှည်ထား ကြည့်နေတုန်းမှာ နဘေးက Cbox ထဲမှာလည်း မိုးမွှန်အောင် ဆဲဆိုရန်ဖြစ်နေကြတဲ့ စီပုံးတိုက်ပွဲကိုလည်း မြင်နေရပါတယ်။


၂၀၀၈ ခုနှစ်အတွက် အကယ်ဒမီဆုရှင်တွေကတော့

အကောင်းဆုံး ဓာတ်ပုံပညာရှင်ဆု - ကြိုးတန်း - သန်းညွန့်(ပန်းသာ)
အကောင်းဆုံး ဇာတ်ကားဆု - အများနဲ့ မသက်ဆိုင်သောသူ - မျက်ခြယ် ရုပ်ရှင်ထုတ်လုပ်ရေး
အကောင်းဆုံး ဒါရိုက်တာဆု - အများနဲ့ မသက်ဆိုင်သောသူ - ဒါရိုက်တာ ညီညီထွန်းလွင်
အကောင်းဆုံး အမျိုးသမီး ဇာတ်ပို့ဆု - အများနှင့်မသက်ဆိုင်သောသူ - ခင်မို့မို့အေး
အကောင်းဆုံး အမျိုးသားဇာတ်ပို့ဆု - အကယ်ဒမီရှော့ - ရဲအောင်
အကောင်းဆုံး အမျိုးသား ဇာတ်ဆောင်ဆု - အများနဲ့ မသက်ဆိုင်သောသူ - ခန့်စည်သူ
အကောင်းဆုံး အမျိုးသမီး ဇာတ်ဆောင်ဆု - မြင့်မိုရ်ထက်ကသရဖူ - မို့မို့မြင့်အောင် တို့ပဲဖြစ်ပါတယ်။

အကယ်ဒမီဆုရှင်တွေကို ဆုပေးတာကတော့ ဘယ်သူရှိလိမ့်မလဲ အညာနွေတို့ အချစ်တော် ပြန်စားရေး ၀ံကြီး ဘဘ ကျော်ရမ်းပေါ့။

အကယ်ဒမီရွှေစင်ရုပ်တွေပေးလဲပေးရော ဟောဗျာ ဟောဗျာ .. လက်အုပ်လေးတွေ ကိုယ်စီချီလို့ ဘဘကြီးကို ကန်တော့ကြတာများ … အညာနွေ့ သူငယ်ချင်းတွေဆို စိတ်ဆိုးလိုက်ကြတာ .. အမလေး သူက ဘာကောင်ကြီးမို့လို့ ရှိခိုးရတာလဲ … သူက ဘုန်းကြီးမို့လို့ လက်အုပ်ချီရတာလားနဲ့ စုံနေတာပါပဲ။

ဒါပေမယ့်ပေါ့ဗျာ .. နားလည်ပေးလိုက်ပါတယ် .. သူတို့တွေမှာလည်း လူကြီးမို့ လေးစားသမူအနေနဲ့ ဒီလိုလုပ်တာနေမှာပါ ဘာညာပေါ့ဗျာ။

အညာနွေတို့ ဒါရိုက်တာကြီး ညီညီထွန်းလွင်ကတော့ ဒုန်းဆို … ဒီတိုင်း ခါးလေးကိုင်းလိုက်တာဗျ။ အညာနွေ့ သူငယ်ချင်းတွေကတော့ ဒါမှ ဒို့ဒါရိုက်တာကြီး … လက်အုပ်မချီဘူးဟ .. ကျော်ရမ်းက တော်တော် အဆင့်နိမ့်တယ်ထင်တယ် သေသေချာချာကို ငုံ့ကြည့်သွားတာ လို့ ပြောကြတယ်ဗျ။

အကယ်ဒမီဆုရှင်တွေ ကျေးဇူးတင်စကားပြောတော့ ပထမဆုံးပြောတာက သန်းညွန့် (ပန်းသာ) ဗျ။ သူကတော့ ရိုးရိုးလေးပဲ ကျေးဇူးတင်သွားတယ်ပေါ့ဗျာ။

နောက်တယောက်ကတော့ ခင်မို့မို့အေးပါ။ သူက အခုမှ ပထမဆုံး အကယ်ဒမီရတာဆိုတော့ အတော်လေး ၀မ်းသာပြီး စိတ်လှုပ်ရှားနေတယ်ထင်ပါ့။ ငိုသံများတောင်ပါလို့ .. ငိုသံလေးနဲ့ ပြောရင်း ပြောရင်းကနေ … ဘယ်က ဘယ်လို ဘဘ သီဟသူရ တီကြောင်မြင့်ဦးနှင့် ဂျနီးတို့ ဘဘ ဗိုလ်မှူးဂျုပ်ကြီး ကျော်ရမ်းတို့ပါ ပါလာမှန်းမသိဘူးဗျာ .. သူအကယ်ဒမီရလို့ ၀မ်းသာပေးနေတဲ့ အညာနွေ အတော်စိတ်အချဉ်ပေါက်သွားတယ်ဗျ။ ဒါတင်မကဘူး သူဝတ်လာတဲ့ အ၀တ်အစား ဖက်ရှင်ဆိုင်တွေပါ အဆစ် ကြော်ငြာသွားသေးသဗျ။

ကိုရဲအောင်လည်း ဂလိုပါပဲ။ စစကတော့ “အနန္တော အနန္တ ငါးပါးရဲ့ ဂုဏ်ကျေးဇူးကြောင့် အခုလိုမျိုး စင်မြင့်ထက်ကနေ စကားပြောကြားခွင့် ရတာဖြစ်ပါတယ်ခင်မျာ” လို့ အစပြုပြီး နောက်လည်းကျရော မြန်မာ့ရုပ်ရှင်တိုးတက်ရေးအတွက် ဘာမှမလုပ်ပေးတဲ့ ဗိုလ်ချုပ်မင်းများကို ဘာမဆိုင် ညာမဆိုင် ကျေးဇူးတင်ပြန်ပါရော။

နောက်ပိုင်းမှသာ “အကယ်ဒမီရှော့ ဇာတ်ကားနဲ့ ဇာတ်ပို့ဆု ရရှိတာ ကျနော့်အတွက် အများကြီး ဝမ်းသာပီတိဖြစ်ရပါတယ်။ နှစ်ပေါင်း ၁၅ နှစ် ၁၆ နှစ်ကြာမှ ကျနော်ဒီဆုတဆုကို ထပ်ပြီးရရှိတာပါ။ ကျနော့်အတွက် ဒါက အနုပညာလုပ်ငန်း လုပ်ဖို့အတွက်အားဆေးပါပဲ။ ဒီအားတွေနဲ့ကျနော် ရှေ့ဆက်လျှောက်လှမ်းသွားမှာပါခင်မျ။ ပရိတ်သတ်တွေရဲ့ အားပေးတဲ့အသံနဲ့ ကျနော် အသက်ဆက်ရှင်ပြီးတော့ ကျနော်ဝါသနာပါတဲ့ ဒီအနုပညာ လုပ်ငန်းကို ဆက်ပြီးတော့ ကျနော်လှုပ်ရှားသွားမှာပါခင်မျာ။ ကျနော့်ရဲ့ ဇနီးအေးကိုလည်း ကျနော် ကျေးဇူးတင်ပါတယ်ခင်မျာ။ ကျနော်ဒါ အကယ်ဒမီရှော့ အိုင်တင်လုပ်တာ မဟုတ်ပါဘူးခင်မျာ။ ကျနော့်ရင်ထဲက စကားပါ။ ကျေးဇူးတင်ထိုက်တဲ့သူတွေ အားလုံးကို ကျနော်ကျေးဇူးတင်တယ်လို့ ပြောကြားရင်း နိဂုံးချုပ်ပါတယ်” ဆိုပြီး ပရိတ်သတ်ကိုပါ မမေ့မလျော့ ကျေးဇူးတင်သွားပါတယ်။ (တော်သေးတာပေါ့)

နောက်တယောက်ကတော့ မမို့ပေါ့။ သူလည်း ခင်မို့မို့အေးလိုပဲ ကျော်ရမ်းကို အရင်ကျေးဇူးတင်ပြန်ပါရော .. “မို့ဘဘ ၀န်ကြီး ဗိုလ်မှူးချုပ်”လို့ တလေးတစား ချစ်ချစ်ခင်ခင်နဲ့ပေါ့လေ။ ပြီးတော့… ပြီးတော့ .. သူလည်းပဲ ပိုးထည်ဆိုင် ကြော်ငြာဝင်လုပ်သွားပါတယ်။

အကယ်ဒမီဆုရှင် ပူနွေးနွေး ခန့်စည်သူကျတော့ တမျိုးခင်မျ။ သူက သူဆုရတဲ့ ဇာတ်ကား အများနဲ့ မသက်ဆိုင်သောသူ နေပြည်တော်မှာပြနေတယ် ကြည့်သွားကြပါအုံးတဲ့ … သူလည်း ဘဘကြီးတွေကို ကျေးဇူးတင်ဖို့ မမေ့ဘူးဗျ။
နောက်ဆုံးပြောရတဲ့ အညာနွေတို့ ဒါရိုက်တာကြီး ညီညီထွန်းလွင်ကတော့ ရှင်းရှင်းပဲဗျ။

“တက်ရောက်လာသော နိုင်ငံတော် အကြီးအကဲများ ဧည့်ပရိတ်သတ်များ အားလုံး” ဆိုပြီးပဲ ပြောသွားပါတယ်။ သူပြောတဲ့ထဲမှာလည်း ကျနော်က စကားသိပ်မပြောတတ်လို့ အရင်လူတွေ ပြောသွားသလိုပဲ ပြောတယ်လို့ မှတ်ပေးပါတဲ့။ အားလုံးကိုဒီလိုပဲ လုံးသုတ်ပြီး ကျေးဇူးတင်ထိုက်သူအားလုံးကို ကျေးဇူးတင်ပါတယ် ဆိုပြီး ပြောသွားတော့ အညာနွေတို့ သူငယ်ချင်းတတွေ လက်ခုပ်တွေ တဖြောင်းဖြောင်းနဲ့ပေါ့ဗျာ။

သူက “ကျနော် အကယ်ဒမီရမယ်လို့ ထင်ပါဘူး။ ကျနော် ဟာသကား အနေနဲ့ပဲ ရိုက်တာပါ။ ကျနော်က ပရိတ်သတ်ကို စိတ်ကျေနပ်မှု ရစေချင်တယ်။ ပရိတ်သတ်ကို စိတ်ချမ်းသာစေချင်တယ်။ အဲ့ဒီအတွက်ပဲ ကျနော် ပရိတ်သတ် နှစ်ခြိုက်စေမယ့် ပြကွင်းပြကွက်တွေဖြစ်အောင် ကျနော် အမြဲကြိုးစားပါတယ်။ ဝတ္တုရေးတဲ့ ဆရာကိုမင်းလူကို ကျေးဇူးတင်ပါတယ်။ သူက ကြိမ်ဖန်များစွာ ဒီဇာတ်ကားကို ရိုက်တဲ့အခါမှာ သတိထားရမယ့် အချက်အလက်တွေ သူပြောပြပါတယ်။ ကျနော်နောက်လည်း ဆက်လက်ကြိုးစားသွားပါအုံးမယ်လို့။ အားလုံးကို ကျေးဇူးတင်ပါတယ်” တဲ့ ..

ပြန်စားရေ ၀ံကြီး ကျော်ရမ်းကတော့ နိုင်ငံတော်တည်ငြိမ်အေးချမ်းမှု ဖြစ်စဉ်တွေကို အခြေခံပြီး ဖွံ့ဖြိုးတိုးတက်မှုကို ဖေါ်ဆောင်နိုင်တဲ့ ပညာရှင်တွေကို ရွေးချယ်ဖေါ်ထုတ်ဖို့လိုတယ် ဆိုပြီး သူ့မိန့်ခွန်းမှာ ထည့်ပြောသွားတယ်ဗျ။

မြှောက်ဖားကားတွေ များများရိုက်တဲ့သူကို ရွေးဟေ့ဆို ပြီးတာပဲနော့် … ဘယ့်နှယ် နားရှုပ်အောင်လို့ …

“သင်ခန်းစာယူဖွယ် ဖြစ်စဉ်ဖြစ်ရပ်တွေ၊ ပစ္စုပ္ပန် ကာလမှာ မျက်ဝါးထင်ထင် တွေ့မြင်နေရတဲ့ တည်ငြိမ်အေးချမ်းတဲ့ ဖွံ့ဖြိုးတိုးတက်မှု ဖြစ်စဉ်ဖြစ်ရပ်တွေကို အခြေခံပြီး အနာဂတ် နိုင်ငံတော်ရဲ့ တည်ငြိမ်အေးချမ်းမှု ဖွံ့ဖြိုးမှုများအတွက် ယုံကြည်စိတ်ချနိုင်မယ့် ဖော်ဆောင်ပေးစွမ်းနိုင်မယ့် လူပုဂ္ဂိုလ် အဖွဲ့အစည်းများကို အသိတရားနဲ့ယှဉ်၊ သတိတရားနဲ့ ပေါင်းစပ်ပြီး ရွေးချယ်ကြဖို့ လိုအပ်ကြောင်း ပြောကြားလိုပါတယ်” တဲ့ … အဲ့ဒါ ကျော်ရမ်း ပြောတာ။

အနုပညာရှင်တွေကို ချစ်တဲ့ အညာနွေတို့ မြန်မာတွေကတော့ ဘယ်သူကဖြင့် ရသင့်လို့ ရတာ … ဘယ်ဝါကဖြင့် မရသင့်ပဲ ဖားလို့ ရတာ စသဖြင့် စသဖြင့် အသံဗလံတွေနဲ့ ဝေဖန်လေကန်ခဲ့ကြတဲ့ အကယ်ဒမီ ပေးပွဲကတော့ ပြီးဆုံးသွားပါပြီ …
နောက်နှစ် နောက်နှစ်တွေမှာလည်း ဘယ်လိုလူတွေ ရလေအုံးမလဲ … ဆိုပြီး တွေးမိတော့ ကျော်ရမ်းပြောသလိုပဲ မြောက်ဖားကား များများရိုက်တဲ့သူ ဘဘ လို့ခေါ်တဲ့သူတွေပဲ ရလေမလားရယ်ပေါ့ …

အညာနွေတို့ ငယ်ငယ်တုန်းက စောင့်မျှော်ကြည့်ရတဲ့ အကယ်ဒမီပွဲလိုမျိုး ရင်ခုန်မှု အရသာ လုံးဝ မရှိ၊ ကွာပါ့ဗျာ …

အညာနွေတမာမြေ