မကွေးတိုင်း ပခုက္ကူမြို့နယ် မြစ်ခြေနဲ့ ကျွန်းချောင်း ဓါတ်မြေသြဇာ စက်ရုံအကြားရှိတဲ့ ညောင်နီပင်နဲ့ ညောင်လှ ကျေးရွာအကြားဖြတ်သန်းသွားတဲ့ ကျောက်ခွက် အရာတော် ရေနံပိုက်လိုင်းမှာ ယမန်နေ့ အောက်တိုဘာ ၂၄ ရက်နေ့ညက မီးလောင်မှုဖြစ်ပြီး လူ၈ ဦးသေဆုံးကာ ၇၀ ကျော်ဒဏ်ရာရခဲ့သည်။
ဒီဖြစ်ရပ်ဖြစ်ပွားပုံနဲ့ ထိခိုက် ဒဏ်ရာ ရရှိမှုကို ဒေသခံ တဦးက
"မနေ့ညက မြစ်ခြေတောင်ဘက် ညောင်လှနဲ့ ၄မိုင်လောက်အကွာမှာဗျာ ရေနံပိုက်လိုင်းပေါက်တော့ ရေနံပြင်ကြီးဖြစ်နေတယ် အဲဒါကို ရွာသားတွေက သွားခပ်ကြတာပေါ့ အဲဒီမှာ မီးလောင်မှုဖြစ်ပြီး လူ၈ ဦးသေပြီး ၇၀ ကျော်ဒဏ်ရာရသွားတယ်"
ဟုပြောသည်။ ဒဏ်ရာရသူတွေဟာ ဆေးရုံဆေးခန်းကို သွားမပြရဲကြပဲ ကိုယ့်အစီအစဉ်နဲ့ကို ကုသနေကြတဲ့အကြောင်းကိုလည်း အဆိုပါ ဒေသခံက
" အားလုံးက အရေးပေါ်ကုသရမဲ့လူနာတွေ ဒါပေမဲ့ အစိုးရ ရေနံပိုက်လိုင်းကပေါက်တာကို သွားခပ်တာဆိုတော့ အဖမ်းခံရမှာစိုးလို့ ဘယ်သူမှဆေးရုံမသွားကြဘူး နောက်ထပ်သေဆုံးမှုတွေ ရှိလာနိုင်သေးတယ်"
အဆိုပါ ကိစ္စကို ပခုက္ကူရဲစခန်းကို စုံစမ်းကြည့်တဲ့အခါ တာဝန်ကျအရာရှိက အတိအကျမသိသေးကြောင်း ပြောပြီး ဖုန်းချသွားပါတယ်။
အခုပေါက်ကွဲမီးလောင်မှုဖြစ်တဲ့ ရေနံပိုက်လိုင်းဟာ ပခုက္ကူခရိုင် မြိုင်မြို့နယ် ကုန်းတွင်းပိုင်းကျတဲ့ ကျောက်ခွက်ရေနံမြေကထွက်ရှိသော ရေနံတွေကို သဘောင်္နဲ့ သယ်ယူရအဆင်ပြေအောင် အရာတော်ရေနံမြေကို ပိုက်လိုင်းနဲ့ ပို့ဆောင်တာဖြစ်ပါတယ်။ လူအဆက်အပြတ်တဲ့ နေရာတချို့မှာ ဒေသခံ ရေနံချက်သူတွေက ပိုက်လိုင်းခိုးဖေါက်ပြီး သယ်ယူရောင်းချတာတွေ အရင်ကတည်းက ရှိခဲ့ပေမဲ့ အခုလိုဖြစ်တာဟာ ပထမဆုံးအကြိမ်ဖြစ်တယ်လို့ ဒေသခံတွေက ပြောဆိုပါတယ်။
အညာနွေမှ သေဆုံး ဒဏ်ရာရ အသေးစိပ်ကို ထပ်မံသိရှိရင် သိရှိသလို ဖေါ်ပြပါဦးမည်။
Posts
No comments:
Post a Comment