မြန်ပြည်တ၀ှမ်း မဲပေးမှုအခြေအနေများ

ဒီနေ့ဖြစ်ပေါ်နေတဲ့ မြန်မာပြည်တ၀ှမ်းကအခြေအနေတွေကို ဧရာဝတီမှ တစဆီအပိုင်းများကို ပြန်လည်စုစည်းဖေါ်ပြသည်။

ရခိုင်ပြည်နယ် ရသေ့တောင်

ရခိုင်ပြည်နယ် ရသေ့တောင်ပေါ်ရှိ မဲရုံတချို့တွင် ကြံ့ဖွံ့ပါတီအင်္ကျီ ၀တ်၍ လုံခြုံရေး တာဝန်ယူမည်ဟု ဆိုကာ လာရောက်သူ တချို့အား မဲရုံမှူးက နှင်ထုတ် လိုက်ကြောင်း၊ အလုပ်အကိုင် အခြေတကျ မရှိ သူများကို ကြံ့ဖွံ့ပါတီ ဝင်များက အရက်တိုက်ကာ လုံခြုံရေးယူရန် စေလွတ်လိုက်ခြင်း ဖြစ်ကြောင်း၊ မဲရုံမှ နှင်ထုတ်ခံရ ပြီးနောက် ထိုသူများသည် ကြံ့ဖွံ့ပါတီ ခေါင်းဆောင်များ မြို့ပေါ်တွင် ကားများနှင့် လည့်ပတ်ရာ၌ ရှေ့ဆုံးမှ ဆိုင်ကယ်များ စီးကာ လိုက်ပါ အော်ဟစ်သွား ကြောင်း မြို့ခံများက ပြောသည်

တာမွေ

တာမွေ ၄ ရပ်ကွက်အတွင်းရှိ မဲရုံတရုံတွင် နံနက် ၁၀ နာရီခွဲ အချိန်၌ မဲလာပေးသူ တဦးမှမရှိသောကြောင့် မဲစာရင်း စစ်သူမှာ စားပွဲပေါ်တွင် ခေါင်းတင်အိပ်၍ စောင့်နေရကြောင်း မျက်မြင်တဦးက ပြောသည်။

မိုးကုတ်

မန္တလေးတိုင်း မိုးကုတ်မြို့ ပိတ်စွယ်ရပ် မဲရုံအမှတ် ၂ တွင် ယနေ့နံနက် မဲပေးသူ ၈၀၀ ကျော်ခန့်ရှိပြီး များပြားနေကြောင်း အမျိုးသား ဒီမိုကရေစီ အင်အားစု (NDF) ပါတီ မဲရုံကိုယ်စားလှယ် ဦးစိုးမြင့်ကပြောသည်။ နံနက် ၆ နာရီခွဲနှင့် ၇ နာရီခွဲ အကြားတွင်ပင် လူဦး ရေ ၅၀၀ ခန့် မဲပေးပြီး ဖြစ်ကြောင်း၊ သို့သော်လည်း အများစုမှာ မဲ မည်သို့ ပေးရမည်ကို မသိရှိကြောင်း၊ ကြိုတင်မဲ ၃ မဲသာရှိကြောင်း ၎င်းက ဆက်ပြောသည်။


ဘားအံ

ကရင်ပြည်နယ် ဘားအံမြို့နယ်တွင် နံနက် ၇ နာရီနောက်ပိုင်းမှ စတင်၍ မဲပေးသူ ပိုများလာပြီး ကရင် တိုင်းရင်းသား ဒေသခံ အများစုက ဖလုံ - စဝေါ် ဒီမိုကတစ် ပါတီကို မဲပေး များကြောင်း သတင်းရရှိသည်။ လှိုင်းဘွဲ့မြို့နယ်မှ ဖလုံ-စဝေါ် ဒီမို ကရက်တစ် ပါတီကို မဲသွားမည့် အသက် ၂၀ ကျော် အမျိုးသမီး တဦးက “ဖလုံ-စဝေါ် ပါတီကိုပဲ ထည့်ရ မှာပေါ့၊ ကရင် ပြည်နယ်မှာ နေပြီးတော့ ဖလံ-စဝေါ်ကို မထည့်ရင် ဘာသွား ထည့်ရမလဲ”ဟု ပြောသည်။ ၎င်း၏ နေအိမ်တွင်လည်း မဲပေးခွင့်ရှိသူ ၉ ဦးရှိ ကြောင်း ဖလုံ-စဝေါ် ပါတီကိုပဲ မဲထည့်မည်ဖြစ်ကြောင်း ၎င်းကဆိုသည်။

မန္တလေး

မန္တလေးတိုင်း အမျိုးသားလွှတ်တော် အမှတ်(၂) လွှတ်တော်ကိုယ်စားလှယ် နေရာအတွက် ထားရှိသည့် မဲပုံးတွင် ကြိုတင်မဲများနှင့် ပြည့်နေသည့်အတွက် စိတ်ပျက်မိကြောင်း ဒီမိုကရက်တစ်ပါတီ (မြန်မာ) အမျိုးသား လွှတ်တော် ကိုယ်စားလှယ်လောင်း ဒေါ်သန်း သန်းနု က ပြောသည်။ ထို့အပြင် မဲပေးနိုင်သူ အများအပြား မဲစာရင်းတွင် ကျန်ခဲ့သည့် အတွက်လည်း ပြည်ထောင်စု ရွေးကောက်ပွဲ ကော်မရှင်သို့ ကန့်ကွက် တိုင်ကြား သွားမည်ဖြစ်ကြောင်း သိရသည်။

အင်းစိန်

ရန်ကုန်တိုင်း အင်းစိန်မြို့နယ်တွင် တိုင်းရင်းသား မဲဆန္ဒနယ်အတွက် ကရင်နှင့် ဗမာတိုင်းရင်းသားများ စာရင်းခွဲခြားရာတွင် နာမည်စာရင်း ပျောက်ဆုံးနေ၍ မဲမပေးခဲ့ရကြောင်း၊ ထိုကဲ့သို့ တိုင်းရင်းသားနေရာအတွက် မဲမပေးခဲ့ရသူ အများအပြားရှိကြောင်းနှင့် မဲပုံးများကို တိတ်အကြည်များနှင့်သာ ပတ်ထားပြီး သေချာစွာ ချိတ်ပိတ်ထားခြင်း မဟုတ်ကြောင်း သတင်းရရှိသည်။

လှိုင်သာယာ

လှိုင်သာယာ မြို့နယ်တွင် မဲပေးရန် မဲစလစ်များကို ကြံ့ဖွံ့ပါတီဝင်များ ကိုသာ ပေးဝေထား သောကြောင့် တခြားသော မဲဆန္ဒရှင်များမှာ မည်သည့်နေရာတွင် မဲသွားပေးရမည်ကို မသိကြကြောင်း၊ ထို့ကြောင့် မဲပေးရန် စိတ်ဝင်စားသူ နည်းပါး နေကြောင်း လှိုင်သာယာ မြို့နယ် ၅ ရပ်ကွက် ပြည်သူ့လွှတ်တော် ကိုယ်စားလှယ်လောင်း ဦးဌေးက ပြောသည်။

တာမွေ

တာမွေမြို့နယ် မေတ္တာညွန့်ရပ်ကွက် မဲရုံ အမှတ် ၉ ပြည်သူ့လွှတ်တော် မဲပုံးထဲသို့ ထည့်ရန် မဲစာရွက်များအစား အမျိုးသား လွှတ်တော် မဲစာရွက်များ ပေးမိသဖြင့် မဲဆန္ဒရှင် ၃၁ ဦး မှားယွင်း မဲပေးခဲ့ကြောင်း၊ မှားယွင်းကြောင်း သိရှိသည်နှင့် ထို မဲ ၃၁ ရွက်ကို မဲပုံးထဲမှ ပြန်ထုတ်ခွင့် အတွက် ရွေးကောက်ပွဲ ကော်မရှင်ကို ခွင့်တောင်းရာ ခွင့်ပြုခဲ့သဖြင့် ယခုအခါ ထို မဲဆန္ဒရှင် ၃၁ ဦးနှင့် ပြန်လည် ဆက်သွယ်၍ မဲပြန်ပေးခိုင်းရန် ကြိုးစားနေကြောင်း လေ့လာသူ တဦးက ပြောသည

ရမ်းဗြဲ

ရခိုင်ပြည်နယ် ရမ်းဗြဲမြို့နယ် အတွင်းမှ ကျေးရွာများတွင် ဒေသဆိုင်ရာ အာဏာပိုင်များက မဲမပေး မနေရဟု ခြိမ်းခြောက်ကာ မဲပေးခိုင်း၍ ဒေသခံပြည်သူ တချို့မှာ ကြောက်လန့်ကာ မဲသွားပေး နေကြရကြောင်း၊ မဲမပေးသူအား အပြစ်ပေးမည်ဟု ဆို၍ ပင်လယ်ပြင် ထွက်နေသော ရေလုပ်သားများကို အတင်းခေါ်ယူကာ မဲပေးခိုင်း နေကြောင်း၊ ဒေသခံအများစုမှာ ကြံ့ဖွံ့မဟုတ်သည့် ရခိုင်တိုင်းရင်းသား ပါတီကို မဲပေးသော်လည်း မဲပေးရာတွင် စနစ် တကျမဟုတ်၍ ရလဒ်က မည်သို့ဖြစ်မည်ကို မသိကြောင်း ရမ်းဗြဲ ဒေသခံများက ပြောသည်။

မင်းတပ်

မဲရုံပေါင်း ၂၀၀၀ ကျော် ရှိသည့် ချင်းပြည်နယ် မင်းတပ်မြို့နယ်တွင် မဲရုံ တချို့တွင် လာရောက်မဲပေးသူ ၁၀၀ ကျော်ခန့် ရှိကြောင်း သိရသည်။ ကြိုတင်မဲ ကောက်သည့် ကာလတွင် ကြံ့ဖွံ့ပါတီကို အတင်းအကျပ် မဲထည့် ခိုင်းခဲ့ သော်လည်း ရွေးကောက်ပွဲ ကျင်းပသည့်နေ့တွင် မဲအတင်း ထည့်ခိုင်းခြင်းမရှိဟု သိရသည်။

ကျောက်ဖြူ

ရခိုင်ပြည်နယ် ကျောက်ဖြူမြို့ပေါ်နှင့် ကျေးရွာ တချို့တွင် မဲလာပေးသူ အနည်းငယ် ရှိကြောင်းသိရသည်။ မဲလာပေးသူ အများစုမှာ လေဘေးဒဏ် ဆိုးဆိုးဝါးဝါး ခံခဲ့ရသသည့် ရပ်ကွက်များနှင့် ကျေးရွာများမှ မဟုတ်ကြောင်းလည်း သိရသည်။ ကျောက်ဖြူမြို့ပေါ်မှ မဲပေးခဲ့ပြီးသူတချို့ကို ဧရာဝတီက မေးမြန်းကြည့်ရာ ရခိုင်မိဘများမှ မွေးထား၍ ရခိုင်လူမျိုး သီးသန့် ပါတီကိုသာ ရွေးချယ် ပေးခဲ့သည်ဟု ပြောဆိုပြီး တဦးကမူ ကြံ့ဖွံ့ပါတီနှင့် နီးစပ်သူဖြစ်၍ ကြံ့ဖွံ့ပါတီကို ပေးခဲ့ကြောင်း ဖြေသည်။

ရန်ကင်း

ရန်ကုန်မြို့ ရန်ကင်းမြို့နယ်တွင် မဲရုံအမှတ် ၁ နှင့် ၂ တို့ကို မဲလာပေးသူ များပြားကြောင်း၊ သို့ရာတွင် အများစုမှာ မဲ မဖြစ်မနေ လာပေးရမည်ဟု ပြောဆိုထားသောကြောင့် အာဏာပိုင်နှင့် ပြဿနာမတက်ချင် သောကြောင့် လာပေးကြခြင်း ဖြစ်ကြောင်း၊ အများစုမှာ ပယ်မဲဖြစ်သွားရန်သာ ပြုလုပ်ခဲ့ကြကြောင်း ကြားသိရသည်။ အဆိုပါ မဲရုံတရုံစီအတွက် မဲပေးရမည့်ဦးရေ ၈၀၀ ကျော်စီ ရှိကြောင်း သိရသည်။

ဘိုကလေး

ဧရာဝတီတိုင်း ဘိုကလေးမြို့နယ်တွင် မဲပုံးအများစုမှာ ချိတ်ပိတ်ထားခြင်း မရှိကြောင်း၊ ယမန်နေ့ ညကတည်းက ရယကများက ကြိုတင်မဲများ ထည့်ထားသဖြင့် လာရောက်မဲပေးသူ နည်းသော်လည်း မဲပုံးများမှာ ပြည့်လုနီးပါးဖြစ်နေကြောင်း သတင်းရရှိသည်။ ထို့အပြင် (၇) ရပ်ကွက်၌ သတင်းထောက်တဦးက မဲရုံရှေ့တွင် ဓာတ်ပုံရိုက်သဖြင့် ကော်မရှင်က တားမြစ်ရာမှ ရုတ်ရုတ်သဲသဲ ဖြစ်သွားကြောင်းလည်း သိရသည်။

မန္တလေး

အစ္စလမ် ဘာသာဝင်များ မဲပေးလျှင် ကြံ့ဖွံ့ပါတီကို မဲပေးရန် မန္တလေးတိုင်း ဒေသကြီး(ကြံ့ဖွံ့)က ယမန်နေ့တွင် ကြေညာချက် ထုတ်ပြန်ပြီး ဗလီများသို့ ပေးအပ်ခဲ့ကြောင်း သတင်းရသည်။ ယင်းစာတွင် အစ္စလမ်သာသနာ မိသားစု အဖွဲ့ဝင်များ အနေဖြင့် ရွေးကောက်ပွဲတွင် မိမိတို့၏ လွတ်လပ်သည့် စိတ်ဆန္ဒအလျောက် မဲပေးရာ၌ ပြည်သူ့အတွက် အင်အားတောင့်တင်းပြီး စိတ်ချ ရသည့် ၀န်ကြီး ဦးအောင်သောင်း ဦးဆောင်သည့် ကြံ့ဖွံ့ပါတီမှ ကိုယ်စားလှယ်လောင်းများကို ထောက်ခံမဲပေးရန် အသိပေး ကြောင်း ပါရှိသည်ဟု သိရသည်။

ဦးဆေထင်မိသားစု မဲပေးခွင့်မရှိ

စစ်အစိုးရက ထောင်ဒဏ် ၁၀၆ နှစ် ချမှတ်ထားသော အသက် ၇၄ နှစ်အရွယ်ရှိ ရှမ်း တိုင်းရင်းသား ခေါင်းဆောင် ဗိုလ်ချုပ် ဆေထင်၏ မိသားစုဝင် ၄ ဦးကို မဲထည့်ခွင့် မရကြောင်း သိရသည်။ “နန်းခမ်းပေါဝ်ကတော့ ဒီနေ့ ကော်မရှင်ရုံးကို သွားအရေးဆိုမယ်ပြောတယ်၊ သူတို့ လက်ဖက်ရည်ဆိုင် မန်နေဂျာ ကိုတင်နွယ်ထွန်း ကိုလည်း မဲပေးခွင့် မပေးဘူး” ဟု ဗိုလ်ချုပ် ဆေထင် မိသားစုနှင့် နီးစပ်သူ တဦးက ပြောသည်

စမ်းချောင်း

ရန်ကုန်တိုင်း စမ်းချောင်းမြို့နယ်တွင် ယနေ့နံနက် ၈ နာရီနောက်ပိုင်း၌ မဲပေးသူများ ပိုများလာကြောင်း၊ မဲပေးသူအများစု၏ ပြောဆိုချက်အရ NDF ပါတီ အားကောင်းနေကြောင်း၊ လက်ဖက်ရည်ဆိုင်များတွင်လည်း အရပ်ဝတ်ဖြင့် စောင့်ကြည့်နေ သည့် ရဲများ၊ SB များလည်း ရှိနေကြောင်း သတင်းရရှိသည်။

ပဲခူး
ပဲခူးမြို့နယ် အင်းတော်ကုန်း ၁၉ ရပ်ကွက်တွင် မဲပေးသူများပြားဟု သတင်းရရှိသည်။ မဲလာပေးသူများက ကြံ့ဖွံ့ပါတီကို မဲပေးသကဲ့သို့ တချို့က မည်သူ့အား မဲပေးသည်ကို မပြောကြောင်း၊ မဲရုံအ၀တွင်လည်း စစ်တပ်၊ မီးသတ်၊ ရဲစသည့် အာဏာပိုင်များက လုံခြုံရေးယူထားကြောင်း သိရသည်။

တောင်ကုတ်

ရခိုင်ပြည်နယ် တောင်ကုတ်မြိူ့ပေါ်၌ ကြံ့ဖွံ့ပါတီနှင့် တစည ပါတီတို့ အပြိုင်အဆိုင် မဲဆွယ်စည်းရုံးမှု လုပ်နေကြသော်လည်း ဒေသခံပြည်သူများမှာ စိတ်ဝင်စားမှု နည်းပါး ကြောင်း၊ ပုံမှန်အတိုင်း သွားလာလှုပ်ရှား နေကြသောကြောင့် ကျေးရွာတချို့တွင် ကြံ့ဖွှံ့ပါတီမှ ကားများဖြင့် မဲထွက်ပေးကြရန်လိုက်လံ ဆော်သြောမှုပြုလုပ်နေကြောင်း ဆားပြင် ရွာသားတဦးက ပြောသည်။

ရန်ကုန်

ရန်ကုန်မြို့တွင် မဲပေးသူ နည်းပါးသောကြောင့် သက်ဆိုင်ရာ အာဏာပိုင်များက မဲလာပေးကြရန် ကားများပေါ်မှ အသံချဲ့စက်ဖြင့် လိုက်လံဆော်သြနေကြောင်း ရန်ကုန်မြို့ခံများက ပြောသည်။

ဗိုလ်တထောင်

ဗိုလ်တထောင်မြို့နယ် မဲရုံအမှတ် ၂၂ ရှေ့တွင် ကြံ့ဖွံ့ကိုယ်စားလှယ်လောင်း ၃ ဦး၏ ကြော်ငြာဆိုင်းဘုတ်များကို ယနေ့အထိ ထောင်ထားဆဲဖြစ်ကြောင်း သိရသည

မြေပုံ

ရခိုင်ပြည်နယ်မှ လေဘေးဒဏ် အများဆုံးခံခဲ့ရသော မြေပုံမြို့ပေါ်နှင့် ကျေးရွာ အားလုံး၌ ကြံ့ဖွံ့ပါတီအား မဲမပေးပါက ဒုက္ခဖြစ်နိုင်သည်ဟု ပြောဆိုသည့်အပြင် ခြောက်လစာ ထောက်ပံ့ ပစ္စည်းများကိုလည်း လုံးဝ မပေးတော့ဟု ကြံ့ဖွံ့ပါတီ နှင့် ဒေသဆိုင်ရာ အာဏာပိုင်များက ခြိမ်းခြောက်၍ ကြိုတင်မဲများ ကောက်ခံထားသောကြောင့် ယနေ့ တွင် မဲရုံသို့ လာရောက် မဲပေးသူ မရှိကြောင်း ဒေသခံများက ပြောသည်။

ရေနံချောင်း

မကွေးတိုင်း ရေနံချောင်းမြို့ အေးကုန်းရပ်ကွက် မဲရုံ အမှတ် ၃ သည် ကျောင်းအဆောက်အအုံ ဖြစ်သော်လည်း မဲ ပေးရန် လျှို့ဝှက်အခန်းဖြင့် စီစဉ်ထားခြင်း မဟုတ်ဘဲ အကာအရံမရှိသည့်အတွက် မည်သည့်ပါတီအား မဲပေးသည်ကို သိရှိနိုင်သောကြောင့် မဲဆန္ဒရှင်များ စိတ်အနှောင့်အယှက် ဖြစ်ရကြောင်း သတင်းရရှိသည်။

ကျောက်မဲ

ရှမ်းပြည်မြောက်ပိုင်း ကျောက်မဲမြို့နယ်တွင် မဲပေးမည့် ဒေသခံများကို အမျိုးသား ၀တ်စုံ ၀တ်ဆင်ရန် အာဏာပိုင်များက ညွန်ကြားထားကြောင်းသိရသည်။ ဒေသခံများက အမျိုးသား ၀တ်စုံအဖြစ် ရှမ်းရိုးရာ ၀တ်စုံကို ၀တ်ဆင်ခဲ့သော်လည်း အာဏာပိုင်များက အမျိုးသား ၀တ်စုံဆိုသည်မှာ ပုဆိုးနှင့် တိုက်ပုံဖြစ်ပြီး ယင်း ၀တ်စုံကို ၀တ်ဆင်ရန် ပြောဆိုသဖြင့် ဒေသခံများမှာ မကျေနပ်ကြကြောင်း အများစုမှာ ရှမ်းဝတ်စုံ ကို ၀တ်ဆင်၍ လာရောက်မဲပေးကြကြောင်း SNDP ပါတီဝင်တဦးက ဆိုသည်။

ပင်လုံ

ရှမ်းပြည်တောင်ပိုင်း ပင်လုံမြို့နယ် အမှတ်(၁) အခြေခံပညာ အထက်တန်းကျောင်းတွင် ဖွင့်လှစ်ထားသော မဲရုံရှိ မဲရုံမှူးမှာ မဲပေးရန်လာသော ဒေသခံပြည်သူများကို ညွန်ကြားချက်များ ပေးနေခြင်းသည် စည်းကမ်းနှင့်မညီသဖြင့် သွားရောက် စစ်ဆေးရန်လိုအပ်သည် ဟု SNDP ပါတီ မဲရုံကိုယ်စားလှယ်က အကြောင်းကြားထားကြောင်း ယင်းပါတီ အမတ် စိုင်းဆိုင်မိုင်းက ပြောသည်။

စစ်တွေ

စစ်တွေမြို့၊ နာဇီရပ်ကွက်ရှိ မဲရုံတခုအား၌ ကြံ့ဖွံ့ပါတီမှ ၎င်းတို့ပါတီကိုသာ မဲပေးရန်အတင်းအကျပ်ပြောဆိုနေခြင်းကို ပြည်သူများက မကျေနပ်၍ မဲရုံအား လူတထောင်ခန့်က ၀ိုင်းဝန်းထားကြောင်း စစ်တွေဒေသခံများထံမှ သိရသည်။နာဇီရပ်ကွက် မဲရုံတွင်ကြံ့ဖွံ့နှင့် တသီးပုဂ္ဂလ ကိုယ်စားလှယ်တို့ အားပြိုင်နေ ကြောင်းသိရသည်။

လင်းခေး

ရှမ်းပြည်တောင်ပိုင်း လင်းခေးမြို့နယ်တွင် မဲရုံများ စတင်ဖွင့်လှစ်၍ ရှမ်းတိုင်းရင်းသားများ ဒီမိုကရက်တစ် ပါတီ(SNDP) ကို မဲပေးခဲ့ကြောင်း လင်းခေး ဒေသခံတဦးက ပြောသည်။

ပုဇွန်တောင်

ရန်ကုန်မြို့ ပုဇွန်တောင်မြို့နယ်တွင် မဲရုံ စတင်ဖွင့်လှစ်၍ မဲများပေးနေပြီဖြစ်ကြောင်း ရန်ကုန်မြို့ခံများက ဆိုသည်။ မဲရုံ အနီးတ၀ိုက်တွင် လုံခြုံရေးကို တင်းကျပ်စွာ ချထားခြင်းမရှိသော်လည်း မဲရုံနှင့် မလှမ်းမကမ်း လမ်းထောင့်များတွင်မှု လုံခြုံရေးများ ချထားကြောင်း သိရသည်။

သာယာဝတီ

သာယာဝတီမြို့နယ် သစ်ရာကုန်းအုပ်စု လောက်လေးရွာတွင် တစညပါတီကို မဲပေးမည့် မဲဆန္ဒရှင် ၄၀ ဦးခန့်ကို ကြံ့ဖွံ့ပါတီ၏ ကျေးရွာစည်းရုံးရေးမှူး ဦးဇော်ဝင်းက မဲမပေးရန် ခြိမ်းခြောက်မှု ပြုလုပ်ပြီး ပြန်လွှတ်နေကြောင်း သတင်းရရှိသည်။ ထိုသို့ ပြုလုပ်သည့်အတွက် တစညပါတီက မြို့နယ် ရွေးကောက်ပွဲ ကော်မရှင်သို့ တိုင်ကြားရန် စီစဉ်နေသည်ဟု ပါတီစည်းရုံးရေးမှူး ဦးစန်းလွင်က ပြောသည်။

ရေနီ

ပဲခူးတိုင်း ရေနီမြို့တွင် လာရောက် မဲပေးသူ နည်းပါးသည့် အတွက် ကြံဖွံပါတီက နေအိမ်များသို့ ဆိုင်ကယ်များ၊ ဆိုက်ကားများ ဖြင့် သွားရောက်ခေါ်ယူနေကြောင်း သတင်း ရသည်။ မဲရုံဖွင့်ချိန် နံနက် ၆ နာရီမှစ၍ ၁၀ နာရီ ကျော် အထိ မဲပေးသူနည်းပါးသည့် အတွက် ထိုသို့ အိမ်တိုင်ရာရောက် ခေါ်ယူရခြင်း ဖြစ်သည် ဟု ဒေသခံ တဦးက ပြောသည်။

မုဒုံ

မွန်ပြည်နယ် မုဒုံမြို့ နယ် ကော့ခလယ် ကျေးရွာရှိ မဲရုံတွင် ကြံ့ဖွံ့ ပါတီဝင်များ ကိုယ်တိုင် မဲပြားတွင် ထောက်ခံမဲ ခြစ်ပေးကာ မဲထည့် ခိုင်း နေကြောင်း သိရ သည်။“ကြံ့ဖွံ့ တွေ အနိုင်ရဖို့ အတွက် ရွေးကောက်ပွဲ ဥပဒေကို လုံးဝ ဂရုမစိုက်ဘဲ ခြင်္သေ့ အမှတ်ဘေးမှာ ၀င်ပြီး ခြစ်ပေး နေတယ်၊ ကျနော်တို့ ပါတီကျတော့ စောင့်ကြည့် လေ့လာ တာကို ခွင့်မပြု လိုဘူး၊ ဒီကိစ္စ အတွက် ကျနော်တို့ ပါတီဝင် တွေနဲ့ ကြံ့ဖွံ့တွေ ပြဿနာ တက်နေတယ်” ဟု မွန်ဒေသလုံး ဆိုင်ရာ ဒီမိုကရေစီ ပါတီဝင် တဦးက ပြောသည်။

Rest of your postအညာနွေတမာမြေ