၂၀၁၀ ထဲက မဟာမင်္ဂလာ

၂၀၀၈ နာဂစ်ဖွဲ့စည်းပုံနဲ့ ၂၀၁၀ ဂီရိရွေးကောက်ပွဲကြီး ပြီးစီးသွားပြီ။ နာဂစ်မုန်တိုင်း၊ ဂီရိမုန်တိုင်း၊ ပြီးတော့ - စစ် - စစ် - စစ်အစိုးရသစ်ကြီးရဲ့ စစ်မုန်တိုင်းက ကျမတို့နိုင်ငံသားတွေ၊ ဘယ်သို့သောဘေး သင့်စေဦးအံ့ ။

ဘာဘဲဖြစ်စေ မိအေး - မင်္ဂလာစကား ပြောကြည့်ချင်သေးရဲ့။

နအဖက သူတို့နားလည်သလို ဒီမိုကရေစီအမိုက်မှောင်လမ်းနဲ့ တရားမျှတပါတယ်ဆိုပြီး ၂၀၁၀ ဂီရိရွေး ကောက်ပွဲကြီး လုပ်ပေးခဲ့တယ်။ ဟုတ်လား (ကျေးဇူး ကမ္ဘာ မဆိုသာ)။

ဟိုကပိတ်၊ ဒီကဆို့၊ အတားအဆီးအထပ်ထပ်ကြားက ပြည်သူ့နား၊ ပြည်သူ့မျက်စေ့၊ သတင်းမီဒီယာ တို့ရဲ့ အမိုက်မှောင်ကိုခွင်း လင်းလင်းကြီး မီးမောင်းထိုးပြလိုက်လို့ - အမှားနဲ့အမှန်၊ ညစ်တာနဲ့ ယုတ်မာတာ၊ မတရားလုပ်တာနဲ့ အနိုင်ကျင့်မှု လိမ်လည်မှု အလုံးစုံကို ဖုံးလို့ ဖိလို့ ဝှက်လို့မရအောင် ဟင်းလင်းကြီးပွင့် ထင်းထင်းကြီး ပေါ်ကုန်ပါပကော။

“ ကျေးဇူး ကမ္ဘာပါ မီဒီယာ ”

ဒါ ဘယ်သူ့ပွဲလဲ?
-နအဖ ပွဲလား ? ဟုတ်ဖူး။
-ကြံ့ဖွံ့ ပွဲလား ? ဟုတ်ပါဘူး။
-ဒီဗွီဘီ( DVB ) ရဲ့ပွဲ။ အဲဒါအဖြေဘဲ။ ဒီဗွီဘီဆိုတာ ဒီမိုကရက်တစ်မြန်မာ့အသံ။ (မြန်မာ့အသံ မှတ်ထား)

၂၀၁၀မှာ ဒီဗွီဘီက မီဒီယာတာဝန်ကျေယုံမက ဒီရွေးကောက်ပွဲကြီးကို ခေါင်းဆောင်တာလို့ မိအေးပြောချင် ပါတယ်။ ပြောပါတယ်။ ဒီဗွီဘီက သူကြိုက်တာ မကြိုက်တာ အပထား။ သတင်းမီဒီယာ ပီသတယ်လေ။

(၁)
-နအဖကြီးက အာဏာဆက်ယူမယ်။ ရွေးကောက်ပွဲကော်မရှင်ဆိုတာကြီးက အာဏာရအောင်လုပ်ပေးရမယ်။ သို့သော်ငြားလည်း … သို့ငြားလည်း .. အာဏာမက်ပေမဲ့၊ တာဝန်ပျက်တယ်။

-သူတို့ပျက်ကွက်တဲ့တာဝန် ဒီဗွီဘီက တာဝန်ယူလုပ်ပေးရတယ်။ စေတနာကွာတယ်လေ။ ဒီဗွီဘီက ပြည်သူလူထု အမှန်အတိုင်းသိစေချင်တယ် မဟုတ်လား?

-ဒီဗွီဘီက -၂၀၀၈ နာဂစ်ဖွဲ့စည်းပုံစည်းမျဉ်း
- ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးများလွှတ်တော်၊ ဖွဲ့စည်းပုံတွေကို တိုင်းအလိုက် ပြည်နယ်အလိုက် ပုံစံဇယားတွေနဲ့ လူပြိန်းနားလည်အောင် ကျကျနန ရှင်းပြပေးတယ်။ တွေ့ကြရဲ့နော်၊ ဟုတ်။
- ပြည်သူတွေ မဲစာရင်းဘယ်လိုရှာရမယ်။ မဲဘယ်လို ပေးရမယ်။ မဲပုံးတွေကဘယ်လို၊ ဆိုတာစာမတတ်သူတွေ နားလည်အောင် အသေးစိပ်ရှင်းပြနေတာကလား။
- ဒီဗွီဘီရဲ့အာဘော်မပါဘူး။ သူ့မူရင်းအတိုင်း ရှင်းပြပေးတာပါ။

နအဖကြီးနဲ့ ရွေးကောက်ပွဲကော်မရှင်ကြီး ဒီဗွီဘီကို ကျေးဇူးတင်ဘို့ကောင်း။ ကန်တော့ဘို့တောင်ကောင်းပါရဲ့။

(၂)
ဒီဗွီဘီက ကြိုက်တာ မကြိုက်တာ အပထား ။ ရွေးကောက်ပွဲ ပါဝင်ယှဉ်ပြိုင်မဲ့ ပါတီကိုယ်စားလည် လောင်းတွေ၊ တစ်သီးပုဂ္ဂလကိုယ်စားလည်လောင်းတွေအတွက် ဒီလို ဒီလို တာဝန်ယူပြန်တယ်။ ကိုယ်စားလှယ်လောင်းတွေကို အစိုးရရုပ်မြင်သံကြားက ဟောပြောခွင့် ၁၅မိနစ်ပေးတယ်။ ပြည်သူ့ဘဏ္ဍာ သုံးစွဲတည်ဆောက်ထားတဲ့ ရုပ်မြင်သံကြား။ ဟုတ်။ ပြောဟောမှာတွေကို ဖြတ်တာ တောက်တာ တည်းဖြတ်တာနဲ့ ပါယ်ဖျက်တာ တွေက စုလို့၊ စုံလို့။

ဒီလိုပြောခွင့်ရဘို့ - ခရီးတိုရှည် နေပြည်တော်ကြီးသွားရတာ။ လျှောက်လွှာနဲ့အတန်တန်၊ ရခိုင်၊ ချင်း၊ ကချင်၊ ရှမ်း၊ ကယား၊ ကရင်၊ တနင်္သာရီ မဲဆန္ဒနယ်က နေပြည်တော် စရိတ် စဉ်းစားသာကြည့်တော့။

ဒီဗွီဘီ ရုပ်သံက -

ပါတီနဲ့ တစ်သီးပုဂ္ဂလ အလှည့်ကျ စကားဝိုင်း၊ ပြည်သူသိအောင် ပြောကြဟောကြ လွတ်လွတ်လပ်လပ် ပြည်သူလူထုမဲဆန္ဒရှင်တွေ ရုပ်ပါမြင်ရ အသံပါကြားရ အလျှံပယ်။ အနှိုင်းအယှဉ် ကိုယ်တွေ့သိကြ၊ ဟုတ်တယ်နော်။ မိအေးတို့နိုင်ငံမှာ ရှိခဲ့ဘူးပါတော်။

ဒီလောက်နဲ့မပြီး -

ဒီဗွီဘီက ရွေးကောက်ပွဲဝင်မဲ့ပါတီ တစ်သီးပုဂ္ဂလတို့ရဲ့လမ်းစဉ်မူဝါဒ သဘောထားတွေ အများပြည်သူ သိရလေအောင် ခေါင်းဆောင်တွေ ပုဂ္ဂိုလ်တွေကို အသေးစိပ် ဗျူးပေးလိုက်ပါသေးရဲ့။

ဒီလောက်တင် ဟုတ်သေးဘူး။ မဲဆန္ဒရှင်တို့ ပြည့်ပြည့်စုံစုံ နားလည်စေဘို့ ပြေးလမ်းပေါ်မှပါတီများ ကဏ္ဍဖွင့် - ရွေးကောက်ပွဲဝင်မဲ့ ပါတီတွေရဲ့သမိုင်း၊ လူပုဂ္ဂိုလ်တွေရဲ့ကိုယ်ရေးရာဇဝင်၊ ပါတီရဲ့မူဝါဒလမ်းစဉ်၊ ရွေးကောက်ပွဲဝင်မဲ့ဦးရေ၊ မဲဆန္ဒနယ်၊ ယှဉ်ပြိုင်ကြရမဲ့ ပါတီ အဖွဲ့အစည်း ပုဂ္ဂိုလ်များကို နှိမ့်ချ မြှင့်တင်မှုမပါ မူရင်း အတိုင်း ပြုစု ရှာဖွေ တင်ပြ ပေးပြန်တယ်။

ဒါတင် ဟုတ်ရိုးလား -

ရွေးကောက်ပွဲ နိုင်ငံတကာလေ့လာရရှိချက် အတွေ့အကြုံများနဲ့ ရွေးကောက်ပွဲပညာရှင်တို့က စကားဝိုင်းဖွဲ့လို့ တိုင်းနဲ့ပြည်နယ် မဲဆန္ဒနယ်အလိုက် ယှဉ်ပြိုင်မှုများကို ကမ္ဘာ့ဖလားဘောလုံးပွဲအသင်းများ အခြေအနေဝေဖန်သုံး သပ်သလို သုံးသပ်တင်ပြထားတာတွေ။

ဒီလောက်မျှ မရပ်သေး -

ရွေးကောက်ပွဲဆိုင်ရာ သတင်းအချက်အလက်များ၊ နိုင်ငံတကာက သုံးသပ်ဝေဖန်မှုများ၊ ခရေစေ့တွင်းကျ သတင်းမှန်တွေကိုလည်း စုဆောင်းတင်ပြပေးတာ တွေ့ရတယ်။ ဒီနိုင်ငံရဲ့ရွေးကောက်ပွဲသမိုင်းမှာ သတင်းမီဒီယာက ထောက်ခံတဲ့ပါတီ၊ ရွေးကောက်ပွဲ ကိုယ်စားလှယ်တွေကို ဒီလောက်ပြည့်ပြည့်စုံစုံ လုပ်ပေးတာမရှိခဲ့။ မီဒီယာက ထောက်ခံတဲ့ပါတီ အောင်နိုင်ရေးကိုသာ လုပ်ပေးကြတာ စဉ်အလာပါ။ မီဒီယာ သမိုင်းသစ် တွင်ရစ်မဲ့ ဒီဗွီဘီ။

(၃)

ရွေးကောက်ပွဲ ဆန့်ကျင်သပိတ်မှောက်တဲ့ အင်အားစုများအတွက် ရွေးကောက်ပွဲသပိတ်မှောက် ဆန့်ကျင်တဲ့ သတင်းလှုပ်ရှားမှုတွေကို ရုပ်သံမှတ်တမ်း ကျန်ခဲ့တာမရှိရလေအောင် အထူးတာဝန်တရပ်အဖြစ် ပြည်တွင်းပြည်ပ သတင်းတွေပါ ပြည့်ပြည့်စုံစုံ ကုန်စင်အောင် တာဝန်ကျေပါရဲ့။ အကျဉ်းထဲက ဒေါ်အောင်ဆန်းစုကြည်ရဲ့ လူတိုင်း မဲပေးပိုင်ခွင့် အခွင့်အရေးရှိသလို မဲမပေးဘဲနေနိုင်တဲ့ အခွင့်အရေးလည်းရှိတယ်ဆိုတဲ့ ဥပဒေပါ စကားကြီး(၂)ခွန်းကိုလည်း ပြည်သူလူထု နား၊ မျက်စေ့၊ နှုတ်ဖျားရောက်အောင် ပို့နိုင်တာ တွေ့နိုင်ပါတယ်။

၂၀၁၀ ဂီရိရွေးကောက်ပွဲဟာ ဖြတ်ကျော်ဝင်စားရမဲ့ အလှူပြုတဲ့ထမင်းပွဲ မဟုတ်ပေဘူး။ အဆိပ်ခတ် ဖိတ်ကြားတဲ့ ထမင်းစားပွဲ။ မှားလို့များ မသွားလေနဲ့။ သပိတ်မှောက်ကြလို့ အမျိုးသားဒီမိုကရေစီအဖွဲ့ချုပ်ရဲ့ သတိပေးနှိုးဆော်ချက်ဟာလည်း လူထုအတွင်း ပျံ့နှံ့အသိပေးနိုင်ခဲ့တယ်။ အမျိုးသားဒီမိုကရေစီ ဗဟိုခေါင်းဆောင်ကြီးများရဲ့ တိုင်းနဲ့ပြည်နယ် လှည့်လည်ပြီး ပါတီမပျက် ရပ်တည်ချက်နဲ့ ဒေါ်အောင်ဆန်းစုကြည်ရဲ့ အမှာစကား - ရွေးကောက်ပွဲသပိတ်မှောက်ရေး ညွှန်ကြားချက် ပေးခဲ့ တာလည်း ပြည်တွင်းပြည်ပ ပါတီဝင်အကြား သတင်းပျံ့နှံ့အောင်မြင်စေခဲ့တယ်။

ဒီချုပ်ဟာ မှတ်ပုံမတင်၊ ရွေးကောက်ပွဲမဝင် သပိတ်မှောက်တော့မှ ပါတီတရပ်လုံး အရင့်အရင်ကထက် ပိုမိုလှုပ်ရှား စိတ်ဓါတ်တက်ကြွနေတဲ့ သတင်းစကား၊ ရုပ်ပုံလွှာ ဓါတ်ပုံသတင်းတွေကို ဒီဗွီဘီက ပြည်တွင်းပြည်ပ ဖြန့်ချီပေးနိုင်ခဲ့တာ တွေ့ရတယ်။ ထူးကဲတဲ့ ဒုတိယ ပင်လုံညီလာခံ ခေါ်ယူရေး NLD နဲ့ လူမျိုးစုများ သဘောတူပူးတွဲကြေငြာချက်ဟာ လက်ငင်းလိုအပ်ချက် သတင်းဖြစ်စေခဲ့တယ်။ ဒီနေ့ ထိပ်တိုက်တွေ့နေတာက နယ်ခြားစောင့်တပ်ဖွဲ့ရေးနဲ့ ပင်လုံစာချုပ်အရ ဖြေရှင်းရေးဖြစ်တယ်။ လူမျိုးစု လက်နက်ကိုင်တော်လှန်ခဲ့တာက လူမျိုးစုအရေး၊ ဒီအရေး တွေ့ဆုံဆွေးနွေးဖြေရှင်းဘို့ စစ်ရပ်စဲရေးလုပ်ခဲ့တာ။ ဒါကို နယ်ခြားစောင့်တပ် ဖြစ်တဲ့ ပုလိပ်လုပ်ခိုင်းတော့ သူတို့ကလက်မခံနိုင်။ သူတို့ ပုလိပ်ရာထူးလိုချင်လို့ လက်နက်ကိုင်တော်လှန်ခဲ့တာမဟုတ်။ ဒါ ပြည်တွင်းစစ် ပြန်ဖြစ်မဲ့ကိစ္စ၊ ပြေလည်မှဖြစ်မှာမို့ - ဒုတိယပင်လုံညီလာခံခေါ်ရေးက အရေးပါနေတာကို ဒီဗွီဘီက တင်ပေးနိုင်တယ်လေ။

(၄)
ရွေးကောက်ပွဲ ဝင်တာ မဝင်တာ။ မတူကွဲပြားနေတဲ့ ပါတီ။ အယူအမြင် သတင်းတွေကို ဒီဗွီဘီက မူရင်း အတိုင်း ထုတ်လွှင့်ပေးနေတာ ရှင်းရှင်းကြီးမဟုတ်လား။ ၂၀၁၀ နိုဝင်ဘာ (၇) ရွေးကောက်ပွဲရက်မှာ၊ ဒီဗွီဘီ ဌာနပေါင်းစုံ တာဝန်တွေလွှတ်ပြီး ရွေးကောက်ပွဲ နယ်ပယ်မှာ တက်စုံ လက်စုံ ဘက်စုံ ပုံအော စုပြုံလို့ သူ့ထက်ငါ တာဝန်ကျေပွန်အောင် တက်တက်ကြွကြွ လုလို့လုလို့ ထမ်းဆောင်နေကြတာ အံ့သြလောက်အောင်ပါဘဲလား။

ရွေးကောက်ပွဲနယ်မြေအစုံမှာ ဖြစ်ပျက်သမျှ သတင်းစုံ အကုန်အစင် လိမ်ထားဝှက်ထားလို့မရအောင် ဗလာကျင်း အထင်အရှား ဖွင့်ပြလိုက်နိုင်တာ ဒီဗွီဘီပါ။ ကြပ်ကြပ်တည်းတည်း ပိတ်ဆို့တားဆီးထားတဲ့အထဲက ဓါတ်ပုံသတင်းနဲ့ပါ သက်သေခံနိုင်တာ ဒီဗွီဘီ ဘဲမဟုတ်လား။ ၂၀၁၀ ရွေးကောက်ပွဲမှာ ဒီဗွီဘီရဲ့စေတနာဟာ ပေါ်လွင်ပါပေ့။ ဒီဗွီဘီရဲ့ လုပ်ချက်တွေဟာ တိကျပါပေ့။ ပီပြင်ပါပေ့။ အောင်မြင်ပါပေ့။ အားကိုးထိုက်ပါပေ့ လို့ မိအေးဆိုရဲပါတယ်။ ဆိုပါတယ်။ ၂၀၁၀ ဂီရိရွေးကောက်ပွဲမှာ ကြံ့ဖွံ့အနိုင်ရပါလိမ့်။ ဒါပေမဲ့ ဒါပေမဲ့ ဒါပေမဲ့ ဒီပွဲက ဒီဗွီဘီရဲ့ပွဲ။ အဲဒါ ဒီဗွီဘီရဲ့ပွဲ။ ဘာပြောမလဲ။ ပြောမှာလဲ။

(၅)

ဒီပွဲ ဘယ်သူစီစဉ်လဲတဲ့။ အဖြေက
- ဒီမိုကရေစီဆိုတာ ပန်းတိုင်းပွင့်ပါစေတဲ့လေ ………
- ပြည်သူလူထုက ယဉ်တဲ့ လှတဲ့ ပန်းကို ခူးပန်လိမ့်မယ်။ မွှေးတဲ့ပန်းကို ခူးနန်းလိမ့်မယ်။
- ပြည်သူတွေ ကြိုက်တာရွေးပါစေတဲ့။ အဲဒါ အကျဉ်းထဲက ဒေါ်အောင်ဆန်းစုကြည် ခေါင်းဆောင် နေတဲ့ ဒီမိုကရေစီပါဘဲ။
- အဲဒါကို - ဒီဗွီဘီက ရုပ်လုံးဖေါ်လိုက်တာပါ။ ဒီမိုကရက်တစ်မြန်မာ့အသံ (မြန်မာ့အသံ မှတ်ထား) ဆိုခဲ့တယ် ဟုတ်လား။ ဒီမိုကရေစီ အမိုက်မှောင်ကျနေတဲ့ ဒီကာလမှာ.. အကျဉ်းထောင်တွင်းကနေ ဒီလောက်ပုံဖေါ်နိုင်ရင် ….
- ဒေါ်အောင်ဆန်းစုကြည်သာ လွတ်လွတ်ကျွတ်ကျွတ် ပွင့်ပွင့်လင်းလင်း ဒီမိုကရေစီ ဖော်ဆောင်နိုင် လို့ကတော့ …..

မိအေး ပြောချင်တဲ့ မင်္ဂလာစကား ဒါပါပဲပေါ့ ---- ဒါပဲတော့် -- !

မင်းမနိုင် မိအေး။
၁၁ - ၁၁ - ၂၀၁၀။