ဒေလီမှာ အိုဘားမား မြန်မာ့အရေးပြော

ကဲ … အိန္ဒိယရောက် ကိုအိုဘားမားကတော့ အိန္ဒိယ ပါလီမန်ထဲ ၀က်ဝက်ကွဲ ၀င်ချဲပြီး မြန်မာ့အရေး အမြဲရှောင်ရှားနေတယ်လို့ ပြောချလိုက်ပြီဗျား။

“ကမ္ဘာ့ဒီမိုကရေစီနိုင်ငံကြီးတွေ ဖြစ်တဲ့ ကျနော်တို့ အမေရိကန်နဲ့ ခင်များတို့ အိန္ဒိယလို နိုင်ငံတွေအနေနဲ့ လူ့အခွင့်အရေးမရှိ၊ ဒီမိုကရေစီ မရှိတဲ့ ဒေသတွင်းနိုင်ငံတွေအပြင် ကမ္ဘာပေါ်က နိုင်ငံတွေအတွက် ပြောဆိုရပ်တည်ရမယ်။ ဒါပေမယ့် အိန္ဒိယကတော့ အိမ်နီးချင်း မြန်မာနိုင်ငံထဲမှာ ဖြစ်နေတဲ့ မေတ္တာပို့ လမ်းလျှောက်သူတွေကို သေနတ်နဲ့ ပစ်နေတာတွေ၊ နိုင်ငံရေးအကျဉ်းသားတွေ ထောင်တွေထဲမှာ ရှိနေတာတွေ၊ လူ့အခွင့်ရေးချိုးဖောက်နေတာတွေမှာ ရှုတ်ချရမှာ။ ပွင့်ပွင့်လင်းလင်းပြောရရင် အိန္ဒိယက ဒီကိစ္စမှာ အမြဲ ရှောင်ပြီးနေနေတယ်” လို့ ပြောချလိုက်သဗျား။

အိမ်နီးချင်းနိုင်ငံတွေမငြိမ်သက်၊ ဒေသတွင်းနိုင်ငံတွေ မငြိမ်သက်တာတွေက ကမ္ဘာ့လုံခြုံရေးနဲ့ ငြိမ်းချမ်းရေးကို ပျက်ပြားစေသတဲ့ဗျား။ ၀န်ကြီးချုပ် မာမိုဟမ်ဆင်းကတော့ မျက်နှာငယ်လေးနဲ့။ ဇွတ်ဖိပြီး အိုဘားမားက အဲ့ဒီလိုလည်း ပြောချလိုက်ရော ပါလီမန်ထဲ ငြိမ်ဆိမ်နေတာပဲဗျာ။

အသင်အိုဘားမားရေ ခင်များလည်း အပြောချည်းပဲလုပ်မနေနဲ့ လက်တွေ့မြန်မာပြည်မှာ ဘာတွေဖြစ်နေလဲ မနက်ဖြန်ပြန်ရောက်ရင် ကြည့်ပြီး ကူညီလိုက်ပါဦး

အညာနွေတမာမြေ