သန်လျင်မြို့က မတရားမှုတချို့

၁။ ရန်ကုန်တိုင်း သန်လျင်မြို့နယ် ကျိုက်ခေါက်ဘုရားအနီးရှိ ယခင်ခ.လ.ရ ၉၀ တပ်အဟောင်းယခု ၁၃၉တပ် အတွင်း ၅.၁၁.၂၀၁၀နေ့က ကြိုတင်မဲများ ရယူခဲ့ရာတွင် တပ်သားများက မဲပြားပေါ်တွင်ကြက်ခြေခတ်များ အများစုထည့်ကြပါသည်။ အဲဒါကို ခရိုင်ကော်မရှင် ဒုဥက္ကဋ္ဌ ဗိုလ်မှူးမြတ်စိုးမှ မဲများ ဖေါက်စစ်ရာ ပယ်မဲများနေ၍ ခရိုင်ကော်မရှင်ရုံးမှ ကြိုတင်မဲတွင် အမှန်ခြစ်စေပြီး မဲပေါင်း တစ်ရာတိတိ ဖြည့်စေခဲ့ပါသည်။

၂။ သန်လျင်မြို့နယ် စည်ပင်သာယာရေးအဖွဲ့မှ ဗိုလ်ကြီးစိုးနိုင်ဦးမှ စည်ပင်ဝန်ထမ်းများကိုခေါ်ပြီး အားလုံးခြေင်္သေ့
ကိုဘဲ အမှန်ခြစ်ရန်၊ ဘယ်သူတွေ ဘယ်အဖွဲ့တွေက ဘာပြောပြော ငါပြောတဲ့ အတိုင်းလုပ်ပါ မလုပ်ရင် အလုပ်ဖြုတ်မယ်၊ ငါကိုယ်တိုင် စောင့်ကြည့်မယ်လို့ ခြိမ်းခြောက်ပါတယ်။

၃။သန်လျင် အောင်ချမ်းသာရပ်ကွက်မှ ပြည်သူများမဲသွားထည့်သော်လည်း မဲစာရင်းမရှိဟု မဲရုံစောင့်က ပြောသောကြောင့် မဲထည့်ခွင့် မရကြပါ။

၎။ ညောင်သုံးပင်ကျေးရွာ မဲရုံအမှတ်(၈)တွင် လူတဦးတည်းမှ မဲ (၈)မဲ ထည့်သွားသည်။

၅။ မြို့မတောင်ရပ်ကွက် အမကကျောင်း မဲရုံမှာ မဲထည့်သူ တဦးက မဲမပေးတတ်လို့ မဲရုံအကူကို အကူညီတောင်း၍ တ.စ.ည ပါတီဝင် မဲရုံအကူမှ ကူညီဆောင်ရွက်ပေးရာ ကြံ့ဖွံ့လွှတ်တော်ကိုယ်စားလှယ် ဦးအောင်သန်းဦး၏ ကိုယ်ရေးအရာရှိ ကိုဋ္ဌေးမိုးက အသင့်ဆောင်ထားသော ကင်မရာဖြင့်ရိုက်ပြီး ကော်မရှင်ကို တိုင်မယ်ဟု ခြိမ်းခြောက်ရာမှ စကားများရန်ဖြစ်ကြသည်။

၆။ ညောင်သုံးပင်ရပ်ကွက် မဲရုံတွင် မဲရုံစောင့် အရံမီးသတ်မှ မဲစာရင်းတွင် နာမည်ပါသော်လည်း မဲပေးခွင့် လက်မှတ်မပါသူများကို မဲပေးခွင့်မရှိကြောင်းပြော၍ ပြန်စေလွှတ်သည်။

၇။ မင်္ဂလွန်းကျေးရွာတွင် ကြိုတင်မဲများကို ကျေးရွာမဲရုံမှူးမှ မနက်(၈း၀၀)နာရီတွင် ဖွင့်ဖေါက်သဖြင့် ရွာခံများက မကြေမနပ်ဖြစ်ကြသလို၊ တ.စ.ည ပါတီဝင်များကလည်း မြို့နယ်ကော်မရှင်သို့ တိုင်ကြားခဲ့သည်။

၈။ ဘော သပြေကန်ကျေးရွာတွင် မဲရုံ(၄)ရုံရှိရာ မဲရုံမှူးအားလုံးမှာ ကြံဖွံ့ပါတီဝင်များသာဖြစ်နေသည်။ အဆိုပါ ကျေးရွာရှိ မဲရုံအမှတ် (၁)တွင် ကြံ့ဖွံ့ပါတီဝင်ဒေါ်သီသီလွင်က မဲလာထည့်သူများကို ခြင်္သေ့ကိုသာ အမှန်ခြစ်ရန် မဲရုံအတွင်း ၀င်ရောက် ပြောကြားသည်။ ကြံ့ဖွံ့ပါတီဝင် ဦးတီက စည်းရုံးထားသည့် ဦးခင်အောင်ရွှေ (ဘ) ဦးဝင်းစိန် တဦးတည်းမှ မဲအရေအတွက် ၁၀၀ ကျော် ထည့်သွားသည်။ အခြား အမည်မသိလူတဦးမှလည်း မဲအရေအတွက် ၁၀၀ ကျော် ထည့်သွားသည်ကို တွေ့ရသည်။

မဲရုံအမှတ် (၃)တွင် မဲရုံအတွင်း၌ ကြံ့ဖွံ့ပါတီဝင် ဦးခင်စိန်က ကြံ့ဖွံ့ကို မဲအမှန်ခြစ်ရန် မဲလာထည့်သူများကို ပြောသည်။

မဲရုံအမှတ် (၄)တွင် အိန္ဒိယတိုင်းသားများကို သီးသန့်စုပြီး မဲပေးခိုင်း၍ ကြံ့ဖွံ့ကိုသာ မဲပေးရန် သေသေချာချာ မှာကြားသည်။ ကိုစိုးသိန်း၊ ဦးတီ၊ ဦးတင်နွယ်၊ ကိုဇော်နိုင်စသည့် ကြံ့ဖွံ့ပါတီဝင်များက ဘောသပြေကန် ကျေးရွာအတွင်း ကြွံ့ဖွံ့ကိုသာ မဲထည့်ရန်၊ မထည့်ပါက ဖမ်းဆီးမည်ဖြစ်ကြောင်း လိုက်လံခြိမ်းခြောက်သည်။

အဆိုပါကျေးရွာတွင် မဲပေးသူများမှာ အသက် ၁၈နှစ် မပြည့်သူများလည်း ပါဝင်နေပြီး အသက် ၁၃ နှစ်အရွယ် ကလေးငယ်များပင် ပါဝင်နေသည်။

(သန်လျင်မြို့မှ မဲရုံများကို စောင့်ကြည့်လေ့လာနေသူတဦးက ပေးပို့လာသည့်အချက်များ ဖြစ်ပါသည်။)