ဒီကနေ့စက်တင်ဘာလ 21ရက်မှာ ကျရောက်တဲ့ အပြည်ပြည်ဆိုင်ရာငြိမ်းချမ်းရေးနေ့ အထိမ်းအမှတ်ပွဲကိုအလုံမြို့နယ် အမျိုးသားဒီမိုကရေစီအဖွဲ့ချုပ်နဲ့ ၂၀၀၇ စက်တင်ဘာ အကြမ်းမဖက်အမျိူးသားလှုပ်ရှားသူများကနေ ဦးဆောင်ပြီး အလုံမြို့နယ် အမျုိူးသားဒီမိုကရေစီ အဖွဲ့ချုပ်ရုံးခန်းမှာ ကျင်းပကြပါတယ်။ နံနက်ပိုင်းမှာ သံဃာတော် အရှင်သူမြတ်ငါးပါး အာရုဏ်ဆွမ်းနဲ့ သင်္ကန်းများ ဆပ်ကပ်ပြီး နံနက်၉း၃၀မှ နေ့လည် ၁၁း၃၀ ထိ ဖိတ်ကြားထားသူများအား ကြက်သားပလာတာဖြင့် ကျွေးမွေးဧည့်ခံပါတယ်။
ထိုပွဲကို အမျိုးသားဒီမိုကရေစီအဖွဲ့ချုပ် ဒုဥက္ကဌ ဦးတင်ဦး၊ ဗဟိုအလုပ်မှုဆောင် ဦးလှဖေ၊ ဦးဝင်းထိန်၊ဗဟိုအမျိုးသမီးအဖွဲ့ဝင် ဒေါ်မေ၀င်းမြင့်၊ဒေါ်လဲ့လဲ့၊ ရန်ကုန်တိုင်း စည်းအဖွဲ့ဝင် ဦးလှသိန်း၊ မြောင်းမြဦးဘဆွေ၊ ဒေါက်တာမျိုးအောင်၊ ဦးလှမင်း၊ ဒေါ်နော်အုံးလှနှင့် အင်္ဂါဝတ်ပြုဆုတောင်း အဖွဲ့ဝင်များ၊ ၈၈ မျိုးဆက်ကျောင်သားများ၊ ၈၈ ဒီမိုကရေစီရေးတွင် ကွယ်လွန်သူ မ၀င်းမော်ဦးရဲ့ မိသားစုဝင်များ၊ ဖမ်းဆီးခံဒီမိုကရေစီအင်အားစုများရဲ့ မိသားစုဝင်များ နဲ့လူအင်အား ၃၀၀နီးပါတက်ရောက်ကြပါတယ်။
ထိုအထ်ိမ်းအမှတ်ပွဲမှာ အန်အယ်လ်ဒီ ဒုဥက္ကဌဦးတင်ဦးမှအမှာစကားပြောကြားရာ ၄င်းမှ အိန္ဒိယ လွတ်လပ်ရေးနဲ့ အကြမ်းမဖက်အမျိုးသားလှုပ်ရှားမှုခေါင်းဆောင် မဟတ္တမဂန္ဒီ ၊ဆရာကြီးသခင်ကိုယ်တော်မှိုင်း၊ကမ္ဘာ့ကုလသမဂ္ဂ အထွေထွေ အတွင်းရေးမှုချုပ်ဟောင်း ဦးသန့် နှင့် ဒေါ်အောင်ဆန်းစုကြည်တို့ရဲ့ အမျိုးသားရေးနဲ့ငြိမ်းချမ်းရေး ဆောင်ကြဉ်းခဲ့ပုံများကို ရှင်းပြခဲ့ပါတယ်။ ထို့နောက်ကဗျာဆရာလေးဦးမှ ငြိမ်းချမ်းရေးနေ့နှင့် ဧရာဝတီနှင့် ပတ်သက်သော ကဗျာများကို ဖတ်ကြားကြပါတယ်။
ဒီနေ့ အပြည်ပြည်ဆိုင်ရာငြိမ်းချမ်းရေးနေ့ကို ဒုတိယအကြိမ် ဦးဆောင်ကျင်းပတဲ့ အလုံမြို့နယ် အမျိုးသားဒီမိုကရေစီအဖွဲ့ချုပ်လူငယ်တာဝန်ခံလည်းဖြစ်၊၂၀၀၇ စက်တင်ဘာ အကြမ်းမဖက်အမျိူးသားလှုပ်ရှားသူလည်း ဖြစ်သူ ကိုလူမော်လတ်မှ အထိမ်းအမှတ်ပွဲကျင်းပရတဲ့ အကြောင်းအရင်းနှင့် ငြိမ်းချမ်းရေးနေ့နဲ့ပတ်သက်တဲ့ သဘောထားကို ပြောကြားရာ တွင် နိုင်ငံရေး၊ စီးပွာရေး၊ လူမှုရေးတွေမှာ တစ်ယောက်ကြောင့်တစ်ယောက်၊ တစ်ဖွဲ့ကြောင့် တဖွဲ့နစ်နာနေတဲ့ တိုင်းပြည်ကို ဘယ်လိုမှ ငြိမ်းချမ်းတဲ့နိုင်ငံလို့ခေါ်လို့ မရကြောင်းနဲ့ တိုင်းပြည်မှာ ဖြစ်ပေါ်နေတဲ့ ဖမ်းဆီးခံ ဒီမိုကရေစီ အင်အားစုများကိစ္စ၊ မြစ်ဆုံကိစ္စ၊ လက်နက်ကိုင် တိုင်ရင်းသားများ ကိစ္စစတဲ့ ကိစ္စသုံးခုနဲ့ပတ်သတ်ပြီး စစ်မှန်သောဒီမိုကရေစီ အစိုးရများဆိုလျှင် ပြည်သူလူထုရဲ့ အသံကိုအလေးထားပေးပြီး အကောင်းဆုံး ဆောင်ရွက်ပေးနိုင်မှသာ တိုင်းပြည်မှာ ငြိမ်းချမ်းမှာ ဖြစ်တဲ့အကြောင်းပြောကြားပါတယ်။ ထို့နောက် အထိမ်းအမှတ်ပွဲကို ရန်ကုန်တိုင်းစည်းရုံရေးအဖွဲ့ဝင် ဦးလှသိန်းမှရုတ်သိမ်းခဲ့ပါတယ်။
အပြည်ပြည်ဆိုင်ရာငြိမ်းချမ်းရေးနေ့အထိမ်းအမှတ်အဖြစ် ဒုဥက္ကဌ ဦးတင်ဦး၊ ဦးလှဖေ၊ ဦးဝင်းထိန်၊ ဗဟိုအမျိူးသမီးအဖွဲ့မှဒေါ်မေ၀င်းမြင့်၊ ဒေါ်လဲ့လဲ့၊ ဒေါ်မြင့်မြင့်စိန်တို့မှ ဂျိုးငှက်များလွှတ်ပေးခဲ့ပါတယ်။ ဒီပွဲမှာဧရာဝတီကို ကယ်တင်ကြ စတစ်ကာများနှင့် အကြမ်းမဖက် အမျိုးသားလှုပ်ရှားသူများမှ အထိမ်းအမှတ်အဖြစ် ထုတ်ဝေတဲ့ ကီးချိန်းများကို ဝေငှခဲ့ပါတယ်။
မှတ်တမ်း။ ။လူမော်လတ်
Posts
No comments:
Post a Comment