ရွှေပြည်သာ ရယက ရဲ့ အာဏာ အလွဲသုံးစား လုပ်ပြီး အမျိုးသမီးငယ်ကို မတရားကျင့်ရန် ကြံစည်

ဇန်နဝါရီလ ၁၅ ရက်နေ့ညက ရွှေပြည်သာမြို့နယ် အမှတ် ၁ဝ ရပ်ကွက် ဥက္ကဌ ဦးခင်မောင်စိုးနဲ့ အပေါင်းပါ ဦးမျိုးဇော်နိုင်တို့ဟာ ရပ်ကွက်အတွင်း ဧည့်စာရင်းစစ်ရာမှာ ဧည့်စာရင်းမတိုင်ဘူးဆိုတဲ့ အပြစ်နဲ့ အမှတ် ၈၆၆ ပုသိမ်ပတ်လမ်းမှာ နေထိုင်တဲ့ ၁၇ နှစ်အရွယ် မိန်းကလေးတဦးကို ရုံးကိုလိုက်ခဲ့ဆိုပြီး နှင်းဆီတည်းခိုးခန်းကို ခေါ်ဆောင်သွားခဲ့ပါတယ်။

ခဏစောင့်နေလို့ ပြောပြီး သူနဲအတူပါတဲ့ သူငယ်ချင်းဖြစ်သူ ဦးမျိုးဇော်နိုင်နဲ့ တည်းခိုခန်းမှာထားခဲ့တဲ့အချိန်မှာ ဦးမျိုးဇော်နိုင်က မိန်ကလေးကို တည်းခိုခန်းက အခန်းထဲခေါ်ပြီး သားမယားအဖြစ် မတော်မတရားကျင့်ကြံဖို့ ကြိုးစားခဲ့တယ်လို့ မတရားကျင့်ဖို့ကြိုးစားခံခဲ့ရတဲ့ မိန်းကလေးက ပြောပြပါတယ်။

မိန်းကလေးက လက်မခံလို့ ရုန်းရင်းဆန်ခတ်ဖြစ်ပြီး အော်ဖို့တောင် အခြေအနေမပေးဘူးလို့ ပြောပြပါတယ်။ တည်းခိုခန်းက လူငယ်ကလည်း မဆူညံဖို့ပဲ လာပြောပါတယ်တဲ့။


အဲ့ဒီလို ဖြစ်နေချိန်မှာပဲ မိန်းကလေးရဲ့ အကိုဖြစ်သူက စိတ်မချလို့ လိုက်ရှာရာက ရောက်လာတာကြောင့် မနုဿမုဆိုးရဲ့ လက်ကနေ မိန်းကလေး လွတ်မြောက်ခဲ့ရပါတယ်။

မိန်းကလေးရဲ့ ဆွေမျိုးသားချင်းတွေက ဒီလိုလုပ်ဖို့ကြံစည်တဲ့ ရယက ဥက္ကဌနဲ့ အပေါင်းပါ ဦးမျိုးဇော်နိုင်ကို အရေးယူပေးဖို့ ရွှေပြည်သာ ရဲစခန်းကို တိုင်တဲ့အခါ နောက်ရက်မှာ ဦးမျိုးဇော်နိုင်ကိုဖမ်းခဲ့ပေမဲ့ ရယက ဥက္ကဌကိုတော့ မယက အမိန့်မရသေးတဲ့အတွက် မဖမ်းသေးဘူးလို့ဆိုပါတယ်။

ဒါ့အပြင် တည်းခိုခန်းပိုင်ရှင် ဗိုလ်မှုးဟောင်းကလည်း “မင်းတို့တိုင်တာ မတိုင်နဲ့ တိုင်လည်း မင်းတို့ ဥက္ကဌလောက်တော့ ဘာမှထိမှာ မဟုတ်ဘူး၊ ပြန်ပတ်ပြီးတော့ မင်းတို့ပဲ ထောင်ကျမှာ ငါက ငါ့တည်းခိုခန်းလေးကို နှစ်ပတ်သုံးပတ်လောက်ပိတ်ထားရင် ရတယ်” ခြိမ်းခြောက်ပြောဆိုတယ်လို့ ဆိုပါတယ်။

ရွှေပြည်သာ ရဲစခန်းကတော့ မုဒိန်းမှု နဲ့ အမှုဖွင့်ထားပေးတယ်လို့ ဆိုပါတယ်။

မိန်းကလေးရဲ့ ဆွေမျိုးတွေကတော့ အာဏာကို အလွဲသုံးစားလုပ်ပြီး သွေးဆောင်ဖျားယောင်းကြံစည်ခဲ့တဲ့ ကိစ္စကို သေချာ အရေးယူမပေးရင် သက်ဆိုင်ရာ အဆင့်ဆင့်ကို ထပ်ပြီး တိုင်မယ်လို့ပြောပါတယ်။

အညာနွေတမာမြေ