အန်တီစုကို နိုဝင်ဘာ လလောက်ကျရင် ပြန်လွှတ်ပေးလိမ့်မယ်လို့ ပြည်ထဲရေးဝန်ကြီး ဗိုလ်ချုပ်မောင်ဦး ပြောတယ်ဆိုတာကို Reuters၊ Aljazeera၊ RFA သတင်းဌာနတွေမှာ ဖော်ပြထားပါတယ်။
ဇန်န၀ါရီ ၂၁ ရက်နေ့တုန်းက ဗိုလ်ချုပ်မောင်ဦး ကျောက်ပန်းတောင်းကို သွားပြီး ဒေသခံတွေနဲ့ တွေ့ဆုံပြောဟောတဲ့ အချိန်မှာ အဲ့ဒီလို ပြောခဲ့တာလို့ ဟောပြောပွဲ တက်ရောက်တဲ့ ဒေသခံ နှစ်ယောက်ဆီကနေ ပြန်လည်ကြားသိရတဲ့ သတင်းလို့ ဆိုပါတယ်။
အန်အယ်လ်ဒီ ဥက္ကဌ ဘဘ ဦးတင်ဦးကိုလည်း အန်တီစုထက်အရင် လွှတ်ပေးမယ်ဆိုပြီးတော့လည်း ပါပါသေးတယ်။ ဘယ်တော့လည်း ဆိုတာတော့ မပါပါဘူး။
ဒီမောင်ဦးဆိုတဲ့ ဗိုလ်ချုပ်ဟာ အန်တီစုကို ယက်တောအမှုစီရင်ချက်ချတုန်းက ၁နှစ်ခွဲလျှော့ပေးတယ်ဆိုပြီး လာပြောသွားတဲ့ ပုဂ္ဂိုလ်ပါပဲ။
စစ်အစိုးရက ၂၀၁၀ မှာ ရွေးကောက်ပွဲလုပ်မယ်ဆိုပြီး ပြောနေတာ ကြာလှပေါ့။ ယတြာချေတဲ့အနေနဲ့ ၂၀၁၀၊ ၁၀ လပိုင်း ၁၀ ရက်နေ့မှာ လုပ်မယ်ဆိုပြီးတော့လည်း သတင်းတွေက ထွက်နေတာပါ။
အကယ်လို့သာ အဲ့ဒီလို ပြောနေတာမှန်မယ်ဆိုရင် ၁၀ လပိုင်း ရွေးကောက်ပွဲပြီးမှ အန်တီစုကို ပြန်လွှတ်ပေးမှာဆိုတဲ့ သဘောပါပဲ။
အမှန်တကယ်လည်း ရွေးကောက်ပွဲလည်းပြီး အားလုံး နည်းနည်းမှ လှုပ်မရအောင် ချည်ပြီးတုပ်ပြီးမှသာ အန်တီစုကို ပြန်လွှတ်မှာပါပဲ။
လက်နက်မျိုးစုံကိုင်ထားတဲ့ ဗိုလ်ချုပ်ကြီးတွေမှာ ဘာလက်နက်မှ မရှိတဲ့ အန်တီစုကို ရွေးကောက်ပွဲမပြီးခင် ပြန်လွှတ်ဖို့ သတ္တိ လုံးဝ (လုံးဝ) မရှိပါဘူး။
ဘယ်မှာလည်း တရားမျှတမှု၊ ဘယ်မှာလဲ လွတ်လပ်မှု … ၂၀၁၀ ရွေးကောက်ပွဲကို လွတ်လပ်ပြီး တရားမျှတတဲ့ ဒီမိုကရေစီနည်းလမ်းကျတဲ့ ရွေးကောက်ပွဲဖြစ်စေပါ့မယ်လို့ တဗြဲဗြဲအော်နေတဲ့ စစ်အစိုးရကို ဘယ်လိုမှ ယုံကြည်လို့ မရဘူးဆိုတာ နိုင်ငံတကာကရော ပြည်သူတွေပဲ သေချာသိဖို့ လိုပါတယ်။
အညာနွေတမာမြေ
Monday, January 25, 2010
ဒေါ်အောင်ဆန်းစုကြည်ကို တကယ်ပဲ ပြန်လွှတ်တော့မယ် တဲ့လား
Subscribe to:
Post Comments (Atom)
Posts
No comments:
Post a Comment