မွေးနေ့ ဆန္ဒ

အများတကာတွေ

သစ်ပင်စိုက်ကြသတဲ့

အမေ့မွေးနေ့ ဂုဏ်ပြုဖို့တဲ့လေ

နွေအပူမှာ ရေလှူသူ လှူသတဲ့

ထောင်သောင်းမက ကုန်ကျတဲ့ ခန်းမတွေငှားလို့

ဘတ်ဒေးကိတ် စားသူစားကြပေါ့

ပထွေးကို ဖအေတော်ချင်သူတွေက

ရှိသမျှ သယံဇာတ ပေါက်ဖော်ကို ဆက်သနေမှတော့

သစ်ပင်စိုက်တာ ဘယ်အလျဉ်မှီပါ့

မိုးကြိုးကို ထန်းလက်နဲ့ကာတဲ့အဖြစ်

ဒင်းရို့ဖြုန်းသမျှ ကုန်းဆပ်ရတဲ့အဖြစ်

ရေလှူသူ၊ မြေလှူသူ

အသွေးလှူ လှူ၊ အသားလှူ လှူ

လှူသမျှ သာဓုအခါခါချမယ်

ပကာသနခြယ်တဲ့ ခန်းမလယ်က

ဘတ်ဒေးကိတ် ခပ်မဆိတ် တိတ်တိတ်ပေါ့

အဟောသိကံကို အဟောဝတ ကောင်းလေစွလို့ သြမချလောက်

ဟောဒီ သားတယောက်ဖြင့်

အကျဉ်းစံ အမေ့အတွက်

လူ့အန္ဓ၊ လူ့ဗာလတွေနဲ့ ဘ၀ဆက်တိုင်းဝေးလို့

ဝိမုတ္တိရသကို ခံစားစေချင်လိုက်တာ အမေရယ်


အောင်ဟိန်း (မုံရွာ)

(၁၉) ရက်၊ ဇွန်လ၊ ၂၀၁၀

လူထုခေါင်းဆောင် ဒေါ်အောင်ဆန်းစုကြည်ရဲ့ (၆၅) နှစ်ပြည့် မွေးနေ့ကို ဂုဏ်ပြုစပ်ဆိုပါသည်။