ငရဲ

တစ်နေ့က အဘိုးတစ်ယောက်ကပြောတယ်။
သေချင်ရင်တောင် သေဖို့ခက်သတဲ့။
ကျွန်တော်က ရှင်ဖို့အတွက်ရောအဘရယ်လို့ ပြန်မေးမိတယ်။
သူမဖြေဘူးဗျ။
သူမဖြေခဲ့ဘူး။

လမ်းတွေသိပ်ကျယ်လာတာနဲ့အမျှ
နေစရာတွေ ကျဉ်းကျဉ်းလာတယ်။
ကျုပ်တို့ စပါးခင်းတွေက အခု
မြို့သစ်ဆိုတဲ့ နာမည်အသစ်နဲ့။
ကျုပ်တို့ ကျေးလက်တွေက
၆ လမ်းသွား ၇ လမ်းသွားဆိုတဲ့ နာမည် အသစ်နဲ့။
ကျုပ်တို့ ယဉ်ကျေးမှုတွေက တိုက်သစ်တာသစ်တွေဖြစ်လို့။

ကလေးတွေ အဖျက်ဆီးခံရဖို့
မိဘတွေက
ကျောင်းပို့ကြတယ်။
လူကြီးတွေ အဖျက်ဆီးခံချင်လို့
ဝန်ထမ်းတွေလုပ်ကြတယ်။
တိုင်းပြည်ကတော့ သင်္ချိုင်းဟောင်းထဲ သုသာန်ထပ်ချဲ့သလိုပါ။
တကယ်ဗျ။
တကယ်။

ကုန်ပြီ
ဧရာဝတီလည်း ကုန်ပြီ။
ရန်ကုန်မြစ်လည်း ကုန်ပြီ။
ကုန်ပြီင်္။
ကျွန်းတောတွေလည်းကုန်ပြီ
ရေနံတွင်းတွေလည်း ကုန်ပြီ။
အကုန် ကုန်ပြီဗျာ။
ကုန်ပြီ။

ပညာတတ်တွေရဲ့ တစ်ကိုယ်ကောင်းဆန်မှုအောက်မှာ
ကျွန်တော်တို့ ခွေးဖြစ်ကြပြီ။
ကျွန်တော်တို့ ကလေးတွေ ခွေးဖြစ်ကြပြီ။
သူတို့လည်း သူများတိုင်းပြည်မှာ
နွားဖြစ်ကြပြီ။

ဒီမှာ နေရတာ
နာရီအပျက်တစ်လုံးနဲ့ ၀င်္ကပါထဲ ခရီးသွားနေရသလို
ဘယ်မှ မရွေ့ဘူး။
ဘာမှလဲ မတွေ့ဘူး။
ပြူးပြဲပြီးကြည့်နိုင်မှ
ကိုယ့်ကိုယ်ကိုတောင် ရေးရေးလေးပဲမြင်ရတယ်ဗျာ။
ဘာမှ မမြင်ရပါဘူးဗျာ။
ဘာမှ မမြင်ပါဘူး။

ဘာသာတရားနဲ့ အနုပညာသာမရှိရင်
ဒါဟာ
အ၀ီစိပဲ။
ဒါဟာ
မနေအပ်တဲ့ အရပ်ပဲ။
တကယ့်ငရဲဗျ။
တကယ့်ကို ငရဲ။

ကျွန်တော်တို့ လဲနေကြတယ်
တောင်ဝှေးလဲ မရှိဘူး
ထူမယ့်သူလဲ မရှိဘူး
တစ်ချို့ဆို ထချင်စိတ်တောင်မရှိတော့ဘူး။
မလှုပ်ရှားရတာ အသားကျကုန်ပြီ။
တကယ့်ကို အသားကျကုန်ပြီဗျ။
အသားကျကုန်ပြီ။

တစ်နေ့က အဘိုးအိုတစ်ယောက်နဲ့တွေ့တော့
ကျွန်တော့်ကိုမေးတယ်။
ရည်ရွယ်ချက် ရှိသလားတဲ့။
(ဟောဗျာ ခက်ပါရောလား)
ကျွန်တော် မဖြေတတ်ဘူးဗျာ။
တကယ်မဖြေတတ်တော့ဘူး။

အခုနေ ဘုရားရှင်ကိုသာ ဖူးခွင့်ရရင်
ငါးပါးသီလစောင့် သစ္စာဆိုပြီး
ရည်ရွယ်ချက်ရှိသောသူ ဖြစ်ရပါလို၏ လို့
ဦးသုံးကြိမ်ချပြီး ဆုတောင်းလိုက်ချင်တယ်။
တကယ့်ကို ဆုတောင်းလိုက်ချင်တယ်။

ကျွန်တော်တို့ ဘုရားရှိခိုးကြစို့ဗျာ။
သြကာသ
သြကာသ
သြကာသ။ ။

ရေးသူ ကိုဇေရ
Rest of your postအညာနွေတမာမြေ