ဒယ်အိုးဆရာတော်ရဲ့ ဆရာတော်ကြီး ပျံတော်မူ

၂၃.၁၀.၂၀၁၀ (စနေနေ့) သီတင်းကျွတ်လပြည့် အဘိဓမ္မာနေ့တွင် အများပြည်သူတို့ဘုရားသွား၊ ကျောင်းသွားကုသိုလ်ကောင်းမှုတို့ကို ပြုလုပ်နေကြသော်လည်း ကျွန်တော်တို့၏ နာရေးကူညီမှုအသင်း(ရန်ကုန်) အသင်းသူ/သားများနှင့် ၀န်ထမ်းများသည် (အခမဲ့) နာရေးကူညီမှု (အခမဲ့) ဆေးဝါးကူညီမှုအစရှိသည့် လုပ်ငန်းများကို ထမ်းဆောင်ပေးဆပ်လျှက်ရှိပါသည်။



ထိုသို့ထမ်းဆောင်ပေးဆပ်လျှက်ရှိရာ ရန်ကုန်မြို့ ခြောက်ထပ်ကြီးဘုရားကြီးတိုက်၊ ပတ္တမြားကျောင်းဆရာတော် ဘဒ္ဒန္တပညာသီဟသည် ၂၁.၁၀.၂၀၁၀ (ကြာသပတေးနေ့) ညနေ(၆း၀၀)နာရီအချိန်တွင် ဘ၀နတ်ထံ ပျံလွန်တော်မူသွားပါ၍ ကြွင်းကျန်ရစ်သော ဥတုဇရုပ်ကလာပ်တော်အား သီတင်းကျွတ်လပြည့် ၂၃.၁၀.၂၀၁၀ (စနေနေ့) ညနေ (၃း၀၀) နာရီတွင် နာရေးကူညီမှုအသင်း (ရန်ကုန်) ဥက္ကဌဦးကျော်သူဦးဆောင်၍ အသင်းသူ/သားများ၊ နာရေးကူညီမှုအသင်း(ရန်ကုန်) ၀တ်အဖွဲ့တို့ ပင့်ဆောင်ကာ ရေဝေးသုဿန်တွင် သင်္ဂြိုလ်ပေးခဲ့ပါသည်။

ပတ္တမြားကျောင်းဆရာတော်သည် ဥူးသုမင်္ဂလ (ဒယ်အိုးဆရာတော်)၏ ဆရာတော်ကြီးဖြစ်တော်မူ၍ အန္တိမဈာပနအခမ်းအနားအားဥူးသုမင်္ဂလမှ ဦးစီး၍ ကျင်းပပေးခဲ့ပါသည်။



အများသူငှာအစိုးရရုံးပိတ်ရက်များဖြစ်ကြသော သီတင်းကျွတ်လပြည့်နေ့ (အဘိဓမ္မာနေ့)၊ တန်ဆောင်မုန်းလပြည့်နေ့ (တန်ဆောင်တိုင်ပွဲတော်)၊ အမျိုးသားနေ့၊ ခရစ္စမတ်နေ့၊ လွတ်လပ်ရေးနေ့၊ ပြည်ထောင်စုနေ့၊ တောင်သူလယ်သမားနေ့၊ တပ်မတော်နေ့၊ ကဆုန်ညောင်ရေသွန်းပွဲနေ့၊ သင်္ကြန်ပွဲတော်နေ့၊ အလုပ်သမားနေ့၊ အာဇာနည်နေ့ စသည့်နေ့ရက်များအပြင် အထူးပိတ်ရက်များဖြစ်သော ဖွဲ့စည်းပုံအခြေခံဥပဒေအား မဲဆန္ဒပေးသည့်ရက်၊ သဘာဝဘေးဒဏ်ခံရ၍ ကျောင်းများ၊ ရုံးများပိတ်သည့်ရက်၊ စက်တင်ဘာအရေးအခင်းနေ့ရက်များအပြင် ရွေးကောက်ပွဲမဲဆန္ဒပေးမည့်နေ့ရက်တို့တွင်လည်း တစ်နှစ်ပါတ်လုံးနားရက်မရှိ (အခမဲ့) ပေးဆပ်နေရဆဲပင် ဖြစ်တော့သည်။

အညာနွေတမာမြေ