မြန်ပြည်တလွှား ရွေးကောက်ပွဲ သတင်းများ

တွေ့သမျှ ရသမျှ အချက်အလက်တွေကို ကူးယူဖေါ်ပြပေးပါတယ်။ ဘယ်နေရာက ယူမှန်းတောင် မသိ ဧရာဝတီပါသလို မဇ္ဈိမ အပါအ၀င် ချက်တင် နဲ့ စီဘောက်မကျန် အကုန်လှန်လှောထားပြီး စုဆောင်းထားပါတယ်။

ပန်းတနော်

ပန်းတနော်မြို့နယ် မရမ်းရွာ မဲဆန္ဒနယ် အမတ် ၁ တွင်၊ ကရင် တိုင်းရင်းသား လူမျိုးစု လွှတ်တော်အတွက် မဲဆန္ဒရှင်တချို့ မဲပေးခွင့်ပျောက်နေကြောင်း ဒေသခံ တယောက်က ပြောပါတယ်။ မဲပေးခွင့်စာရင်း တွေကို ကော်မရှင်က မနေ့က ထုတ်ပေးခဲ့ပြီး ဒီစာရင်းမှာတော့ တိုင်းရင်းသား လူမျိုးစု လွှတ်တော်အတွက် မဲပေးခွင့်စာရင်းပါရှိပြီး ဒီနေ့မဲသွားပေးတော့မှ မဲပေးခွင့်မရှိတဲ့အကြောင်း ဒေသခံတွေ ကပြောပါတယ်။


ရန်ကုန်

ရန်ကုန်တိုင်း ရခိုင်တိုင်းရင်းသားလူမျိုးစုရဲ့ ရခိုင်တိုးတက်ရေးပါတီကိုယ်စားလှယ်လောင်း ဦးဇော်အေးမောင်အပြောအရ သူ့ကိုမဲပေးရမယ့် ရခိုင်တွေ မဲပုံးပျောက်နေတယ်တဲ့.. မဲရုံမှာ သီးခြားမဲပုံးမရှိ၊ မြို့နယ် ကော်မရှင် ရုံးကို သွားးတိုင်နေပြီဟု သိရသည်။ အင်းစိန်က ကရင်တွေလည်း ဒီတိုင်းပဲ မဲပုံးပျောက်ပြီး တိုင်းရင်းသား ထည့်ရမဲ့ မဲပုံမထည့်ရပဲ ၃ပုံးပဲ ထည့်ခဲ့ရတယ်ဆိုပဲ

အင်းစိန် ကွိုင်တက်

ရန်ကုန်တိုင်း အင်းစိန်မြို့နယ် ကမ်းနားလမ်း မဲရုံတွင် ကြံ့ဖွံ့ပါတီက မဲရုံအတွင်းဝင်ရောက်ပြီး မဲဆွယ်သဖြင့် ပြိုင်ဘက် ပါတီ တခုဖြစ်သော တစည ပါတီဝင်များနှင့် ယနေ့နံနက်က ပြဿနာဖြစ်ပွားခဲ့ကြောင်း သတင်းရရှိသည်။ ယင်းပြဿနာကြောင့် မဲရုံကို ခေတ္တပိတ်လိုက်ရပြီး ခရိုင် ရဲမှူးကြီးလာရောက်ဖြေရှင်းပေးမှ ပြဿနာပြီးဆုံးခဲ့ပြီး မဲရုံ ပြန်လည်ဖွင့်လှစ် ခဲ့ရသည်ဟု သိရသည်။

ကျောက်ပန်းတောင်း

မန္တလေးတိုင်း ကျောက်ပန်းတောင်းမြို့နယ် ဘင်ဂွရွာ ရယက ဥက္ကဋ္ဌ ဦးသန်းစိုးမြင့် က မဲလာမပေးသည့် သူများကို ဖမ်းဆီးမည်၊ ဒဏ်ငွေ ဆောင်ရမည်ဟု ခြိမ်းခြောက် ကြောင်း၊ လယ်ယားတောင်၊ တောင်ခြေ ကျေးရွာများတွင်လည်း အလားတူ အဖြစ်အပျက်များ ဖြစ်ပွားကြောင်း ဒေသခံများက ပြောသည်။

ဒလ

NLD အဖွဲ့ဝင် ၇ ဦးခန့်သည် ယနေ့နံနက်ပိုင်းက ရန်ကုန်တိုင်း ဒလမြို့နယ်တွင် ဒေါ်အောင်ဆန်းစုကြည် ပုံနှင့် စာရွက် စာတမ်းများ ကိုင်ဆောင်ပြီး မဲမပေးရေး လှုပ်ရှားခဲ့ သော်လည်း ဒေသခံ အားလုံးနီးပါးက NDF ပါတီကို မဲပေးခဲ့ကြကြောင်း ပါတီ ခေါင်းဆောင် ဦးခင်မောင်ဆွေက ပြောသည်။ NDF အနေဖြင့် ရန်ကုန်တိုင်း ရန်ကင်း၊ စမ်းချောင်း နှင့် ဒလမြို့နယ် များတွင် အနိုင်ရရန် အလားအလာကောင်းနေကြောင်းလည်း ပြောဆိုသည်။

သန်လျင်

သန်လျင်မြို့နယ် ကတက်ချဉ် ကျေးရွာရှိ မဲရုံအတွင်းတွင် မဲရုံကိုယ်စားလှယ် အဖြစ်တာဝန်ယူသူ ကြံ့ဖွံ့ပါတီဝင် ၅ ဦးခန့်သည် ၎င်းပါတီ ဝတ်စုံကို ဝတ်လျက် မဲရုံအတွင်း ဝင်ထိုင်နေသည်ကို တွေ့ရသည်ဟု လေ့လာစောင့်ကြည့်သူ ဒေသခံတဦးက ပြောသည်။ သန်လျင်မြို့နယ် ညောင်လေးပင် ကျေးရွာတွင်လည်း ကြိုတင်မဲ ကောက်ယူထားသည့် အရေအတွက်မှာ ရှိရမည့် ပမာဏထက် များစွာပိုနေကြောင်း NDF ကိုယ်စားလှယ် တဦးထံမှ သိရသည်။

မရမ်းကုန်း

ရန်ကုန်တိုင်း မရမ်းကုန်းမြို့နယ် မဲရုံအမှတ် ၄ မှာ မဲလာပေးသူတွေကို နိုင်ငံသားစိစစ်ရေး မှတ်ပုံတင်နဲ့ တိုက်မစစ်ဘဲ မဲထည့်ခိုင်းတာတွေ ရှိနေတယ်လို့ မြို့ခံ ဌာနဆိုင်ရာ အရာရှိတယောက်က မဇ္ဈိမကို ပြောပါတယ်။

“မဲပေးနေတဲ့လူတွေ အခုတွေ့နေရတာကတော့ ၁ဝဝ ကျော်လောက် ရှိတယ်ခင်ဗျ။ လုံခြုံရေးကတော့ အေးအေးဆေးဆေးပါပဲ။ အခုဟာက မှတ်ပုံတင်စစ်တာတွေ ဘာတွေလည်း မရှိတော့ဘူး။ အဲတော့ လာပေးတဲ့ လူတွေဟာက အစစ်အမှန် ဟုတ်သလား၊ မဟုတ်ဘူးလားဆိုတာက ဆန်းစစ်ရခက်တာပေါ့လေ” လို့ သူက ဆိုပါတယ်။

မိထ္ထီလာ
မိထ္ထီလာမြို့ရှိ မဲရုံများတွင် မြန်မာ စံတော်ချိန် မနက် ၁၁ နာရီရောက်လာသော်လည်း မဲပေးသည်သူ အလွန်နည်းပါးကြောင်းသိရသည်။ မဲဆန္ဒနယ်မြေ ၁၄၊ ၁၅ နှင့် ၁၆ အတွက် မဲရုံအမှတ် (၇)တွင် မဲရုံမှူးက နားမလည်သူများ သက်ကြီးရွယ်အိုများကို ခြင်္သေ့ရုပ်ကို လက်ထောက်ပြ၍ ထည့်ခိုင်းနေကြောင်း၊ အဆိုပါ ကိစ္စကို မှတ်တမ်းဓာတ်ပုံရိုက်ယူသည့် တစည အဖွဲ့ဝင် တဦးကို တားဆီး မောင်းထုတ်ရာမှ ကြံ့ဖွံ့ပါတီဝင်နှင့် တစည ပါတီဝင်များ အခြေအတင် အငြင်းပွားမှုများ ဖြစ်ပွားနေကြောင်း သတင်းရရှိသည်။

ချောက်

မကွေးတိုင်း ချောက်ရှိ မဲရုံများတွင် မဲပေးသူလွန်စွာနည်းပါးပြီး လာရောက်မဲပေးသူများက NDF ပါတီနှင့် တဆည ကိုသာ မဲပေးသူများကြောင်း သတင်းရရှိသည်။
“မဲရုံတွေ ခြောက်ကပ်နေတာပဲ။ မဲလာပေးတဲ့သူ အများစုက ရွာတွေက၊ မဲမပေးရင် ဘာဖြစ်မယ် ညာဖြစ်မယ် အာဏာပိုင်တွေ ခြိမ်းခြောက်လို့ လာပေးတာပြောတယ်။ ပယ်မဲဖြစ်အောင် လုပ်တဲ့သူနဲ့ တစညနဲ့ NDF ကိုပဲ ပေးတဲ့သူများတယ်” ဟု မဲပေးခဲ့သူတဦးက ပြောသည်။

မြ၀တီ

နိုဝင်ဘာလ (၇) ရက် မှာ ထိုင်းမြန်မာနယ်စပ် တံတားအောက်ကနေ ဘောနဲ့ နံနက် ၈း၃၀ မှာ မြ၀တီကို ကူးပြီး ၀င်ရောက်သတင်းရယူသူ ဂျပန်နိုင်ငံသား တိုနီမက်ဆာမိုတို အသက် ၄၉ နှစ် ဘောပင်ဗွီဒီယိုကင်မ၇ာတချောင်း၊ မြန်မာဖုန်းတလုံး ထိုင်းဖုန်းတလုံး ၊ နှင့် AFP သတင်းဌာန ကဒ်ပြား နှင့် passport
တို့ နှင့်အတူ ဖမ်းစီးခံရပြီး အခု မြ၀တီ ရဲစခန်းမှ စစ်ဆေးမေးမြန်းရန်အတွက် စစ်ကြောရေးစခန်းသို့ ပို့ ဆောင်လိုက်ကြောင်းအခု သတင်းရပါတယ်။

ရခိုင်ပြည်နယ်

ရခိုင်ပြည်နယ်၏ မြို့နယ်အများစုမှ မဲဆန္ဒရှင် အများစုသည် ရခိုင်တိုင်းရင်းသား ပါတီတခုဖြစ်သော RNDP ပါတီကိုသာ မဲပေးခဲ့ကြကြောင်း ဒေသခံများက ပြောသည်။ ရခိုင်ပြည်တွင် လေဘေးသင့် ဒေသများက မဲရုံလာသူ နည်းပါးပြီး စစ်တွေ၊ ကျောက်ဖြူ၊ ရသေ့တောင်၊ သံတွဲ၊ တောင်ကုတ် စသည့်မြို့နယ်များတွင် ၇၀ ရာခိုင်နှုန်းကျော် မဲလာပေးကြကြောင်း သိရသည်။ မဲရုံတချို့ရှေ့တွင် ကြံ့ဖွံ့ပါတီကို မဲပေးရန် လိုက်လံစည်းရုံးနေသည်ကို တွေ့ရကြောင်းလည်း ဒေသခံများက ပြောသည်။

သန်လျင်က မသမာမှု

သန်လျင်မြို့နယ် ကံလှကျေးရွာတွင် မဲ လာပေးသူတဦးက မည်သည့်ပါတီကို မဲပေးရမည် မသိ ဖြစ်နေစဉ် လူတဦးက လက်ဝါး၌ စာရေးပြကြောင်း၊ ထို့ပြင် မဲ ပေးသည့်နေရာမှာ လုံခြုံမှု မရှိသောကြောင့် ထိုသူ မဲပေး သည်ကိုလည်း ချောင်းကြည့် သည်ဟု လေ့လာသူ ထံမှ သိရသည်။ ထို့ပြင် ၎င်းမြို့နယ် မြို့မတောင် ရပ်ကွက်တွင် ကြံ့ဖွံ့ပါတီဝင် တဦးက မဲလာပေးရာ မှတ်ပုံတင် ယူမလာဘဲ မဲစာရွက်ကို တောင်းယူ၍ ၎င်း၏ သဘောအတိုင်း မဲဝင်ပေးသဖြင့် မဲရုံမှူးနှင့် အချင်းများသည်ဟု သိရသည်။

မြစ်ကြီးနား မြို့ပေါ်တွင် ကြံ့ဖွံ့ပါတီ အားကောင်းနေကြောင်း၊ နံနက် ၆ နာရီခန့် ကတည်းက ကြံ့ဖွံ့ပါတီ ဝတ်စုံများ ဝတ်ကာ မဲသွားပေးသည်ကို တွေ့ရကြောင်း၊ ကျားဖြူပါတီ ရှိသော်လည်း ရှမ်းတိုင်းရင်းသားများ နေထိုင်သည့် ရပ်ကွက် တွင်သာ မဲရ နိုင်ကြောင်း၊ NDF ပါတီ အားနည်းကြောင်း မြစ်ကြီးနား အခြေစိုက် သတင်းထောက် တဦးက ပြောသည်။

ဇီးကုန်း

ပဲခူးတိုင်း ဇီးကုန်းမြို့နယ်ရှိ မဲရုံများတွင် ကြံ့ဖွံ့ပါတီဝင်များက ၀တ်စုံပြည့်ဖြင့် စောင့်နေကြပြီး နိုင်ငံခြားရေးဝန်ကြီး ဦးဥာဏ်ဝင်းကိုယ်တိုင် ၀တ်စုံပြည့်ဖြင့် လာရောက်ကြည့်ရှုနေသောကြောင့် လုံခြုံရေးများ ထူထပ်နေကြောင်း၊ သို့သော်လည်း မဲရုံများတွင် မဲပေးသူ အနည်းငယ်သာရှိကြောင်း၊ ပတ်ဝန်းကျင်ကျေးရွာများတွင်လည်း မြို့နယ်အာဏာပိုင်များက မဲလာရောက်ပေးရန် နှိုးဆော်နေရာတွင် မဲမပေးပဲ နေနိုင်သည် သို့သော် ကြံ့ဖွံ့ကိုမူ မဲပေးရမည်ဟု ပြောဆိုနေကြောင်း ဒေသခံများက ပြောသည်။

ပြည်

ပဲခူးတိုင်း ပြည်မြို့၊ ရဘဲ နယ်မြေ မဲရုံတွင် မဲဆန္ဒရှင် ၃ ထောင်ကျော်တို့၏ အမည်များ ပျောက်ဆုံးနေကြောင်း၊ မဲရုံမှူးထံသို့ တင်ပြရာ မဲပေးခွင့်ရရန် စီစဉ်ပေးသော်လည်း မဲစာရင်းတွင် မပါဝင်သူများကို စာရင်းပါဝင်သူများ၏ မှတ်ပုံတင်နံပါတ်များဖြင့် မဲပေးခွင့်ပြုမည်ဖြစ်ကြောင်းပြော၍ လက်မခံကြပဲ မဲမပေးပဲ နေကြကြောင်း၊ ၉၅၅ ယောက်သာ မဲပေးသူရှိခဲ့ကြောင်း၊ ယခုအချိန်တွင် မဲပေးမည့်သူ မရှိသလောက်ဖြစ်နေကြောင်း သတင်းရရှိသည်။ ဆည်မြောင်းနှင့် လျှပ်စစ်ဝန်ကြီးဌာနမှ ၀န်ထမ်းများကို မဲလာပေးရန်၊ ကြံ့ဖွံ့ကိုသာ မဲပေးရန်၊ မဲမပေးပါက နယ်ဝေးသို့ ရွှေ့ပြောင်းမည်ဖြစ်ကြောင်း ခြိမ်းခြောက်၍ မဲများထည့်ခိုင်းနေသည်ဟုလည်း ဆည်မြောင်းဝန်ထမ်းတဦးက ပြောသည်။

ရန်ကုန်တိုင်း မဲရုံတွေ မလုံခြုံ

အလုံ၊ ကြည့်မြင်တိုင် နှင့် စမ်းချောင်း မြို့နယ်များတွင် မဲရုံအများစုမှာ လုံခြုံမှုမရှိကြောင်း၊ မဲပေးရသည့် နေရာကို လူအများမြင်ကွင်းသို့ လှည့်ထားကြောင်း၊ စမ်းချောင်းမြို့နယ်တွင် မဲပေးသူကို လိုက်လံ ကြည့်ရှုကြောင်း လေ့လာသူ တဦးထံမှ သိရသည်။

အညာနွေတမာမြေ