မြန်ပြည်တလွှား ရွေးကောက်ပွဲသတင်းများ အပိုင်း (၄)

လှိုင်မြို့နယ်

ရန်ကုန်တိုင်း လှိုင်မြို့နယ်ထဲမှာ မဲထည့်သူ နည်းနေပြီး ဆိုင်တွေလည်း ပိတ်ထားလို့ ခြောက်ကပ်နေတယ်လို့ ၁၃ ရပ်ကွက်နေ ဒေသခံ အိမ်ရှင်မတယောက်က ပြောပါတယ်။

“ကျမ အိမ်နားက မဲရုံ အလယ်တန်းကျောင်းမှာတော့ ရပ်ကွက်လူကြီးတွေနဲ့ ရဲ တယောက်နှစ်ယောက် စောင့်နေတာပဲ ရှိတယ်။ လူတွေ သိပ်လာထည့်မတာ မတွေ့ဘူး။ ကျမကတော့ မထည့်တော့ဘူး။ လာထည့်တဲ့ သူတွေကလည်း ဒီမြို့နယ်မှာ ဧည့်စာရင်းနဲ့ နေကြတဲ့ သူတွေလောက်ပဲ တွေ့ရတယ်။ မနက်စောစောကတည်းက အင်းယားက လမ်းလျှောက်ပြီး ပြန်လာတော့လည်း တွေ့ခဲ့တဲ့ မဲရုံတွေမှာ လာထည့်တဲ့ သူတွေ မတွေ့ခဲ့ဘူး။ မနက် ၈ နာရီလောက်ကပေါ့။ တရုန်းရုန်းလည်း မတွေ့ဘူး။ ဆိုင်တွေလည်း ပိတ်ထားတော့ ခြောက်ကပ်နေတာ။ ပျင်းစရာတောင် ကောင်းနေတယ်။ အနီးအနားမှာလည်း ဘယ်ပါတီမှ မတွေရဘူး၊ အခုပြောနေတဲ့ ၁၀ နာရီခွဲထိတောင် လူတွေ ခြောက်ကပ်နေတယ်” ဟု သူက မဇ္ဈိမကို ပြောပါတယ်။

မြောက်ဥက္ကလာနဲ့ တောင်ဒဂုံ

ရန်ကုန်တိုင်း မြောက် ဥက္ကလာပ မြို့နယ် နှင့် တောင်ဒဂုံ မြို့နယ် အတွင်း မဲမပေးရေး စာရွက်ဖြန့်ဝေသည့် လူငယ်တချို့ယနေ့ နံနက်ပိုင်း က အဖမ်းခံရကြောင်း သတင်း ရရှိ သည်။“ဒီနေ့ မြောက်ဥက္ကလာ (ဈ) ဈေးအနီး စာရွက် ဝေ သူ ၂ ယောက် အာဏာပိုင် တွေက စစ်ဆေး ဖို့ ခေါ်သွားတယ်၊ တောင် ဒဂုံ မှာ NLD သိန်းမြင့်ထွန်းနဲ့အဖွဲ့ NO လှုပ်ရှားရာမှာ အာဏာပိုင် တွေနဲ့ ပြသနာဖြစ် တယ်” ဟု မဲမပေးရေး လှုပ်ရှားသူ တဦးက ဆိုသည်။

ဘားအံထောင်မှာ မြစ်ခြေ ကျော်ကျော်နိုင် အစာငတ်ခံ ဆန္ဒပြနေ

ရွေးကောက်ပွဲကို ဆန့်ကျင်ပြီး နိုင်ငံရေး အကျဉ်းသားတွေ အားလုံးအတွက် ရည်ရွယ်ပြီးတော့ ဘားအံထောင်မှာ စစ်အစိုးရက ထောင်ချထားတဲ့ ကိုကျော်ကျော်နိုင် မနေ့မနက် ၈ နာရီကစပြီး ထောင်တွင်း အစာငတ်ခံဆန္ဒပြမှု စတင်လိုက်တယ်လို့ သိရပါတယ်။

ကိုကျော်ကျော်နိုင်ဟာ အမျိုးသားဒီမိုကရေစီအဖွဲ့ချုပ် ပခုက္ကူခရိုင် မြစ်ခြေမြို့နယ်စည်းရုံးရေးမှူးတဦး ဖြစ်ပြီး ၂၀၀၇ ခုနှစ် စစ်အစိုးရက အကြမ်းဖက် ဖြိုခွဲခဲ့တဲ့ ရွှေဝါရောင် တော်လှန်ရေးအပြီးမှာ ဖမ်းဆီးပြီး ထောင်ဒဏ် ၁၄ နှစ် အပြစ် ပေးခံခဲ့ရပါတယ်။

စဥ့်ကိုင်

မန္တလေးတိုင်းစဥ့် ကိုင် မှာ ပြ သာ နာ တက် နေ ပြီ အင်တာနက် မ ရတာ မ နေ့ က တည်း က internet shop တွေ လည်း မ နေ့ က တည်း က ပိတ် ထား တယ်"

ဂျပန်

ဂျပန် နအဖအခွန်ရုံးရှေ့မှာ ပွဲကြမ်းနေပါပြီ.. နအဖအလံအားမီးရှိ့ပြီး နအဖ စစ်အခြေခံဥပဒေ စာအုပ်တွေ မီးရှို့ပြီး အခွန်ရုံးထဲ ပစ်ထည့်ပါတယ်.. ရဲကတားပေမယ့် နောက်မဆုတ်ပဲ တိုက်နေကြပါတယ်။

မိုးမောက်

မဲဆန္ဒရှင်နာမည်နဲ့ မဲစာရင်းနံပါတ်ပါတဲ့ ကဒ်ပြားတွေကို ရယက က လွန်ခဲ့တဲ့ ၂ ရက်မှာ လာပေးထားလို့ ကချင်ပြည်နယ် မိုးမောက်မြို့မှာ မဲထည့်သူများတယ်လို့ ဒေသခံတွေက ဆိုပါတယ်။

“လျှို့ဝှက်မဲပေးစနစ်ဆိုတော့ လွတ်လွတ်လပ်လပ် ထည့်လို့ရတယ်။ မထည့်သူ မရှိသလောက်ဘဲ။ ဒီမှာ အမှတ်စာရင်း နံပါတ်နဲ့ ကြိုလာပေးထားတယ်ဆိုတော့ နောက်ပိုင်း ပြန်ပြောလာမှာစိုးလို့ အားလုံးလိုလို လာထည့်ကြတယ်” လို့ ဒီနေ့ မနက် ၁ဝ နာရီမှာ မဲထည့်ခဲ့တဲ့ ကြေးနန်းရပ်ကွက် ဒေသခံ တယောက်က ပြောပါတယ်။

ခနန်ရပ်ကွက် ဒေသခံကလည်း “မနက်ကတော့ သိပ်မများဘူး။ အခု ၁၂ နာရီနောက်ပိုင်းမှာ လာထည့်သူ များလာတယ်။ တော်တော်များများ မဲလာထည့်တာ တွေ့ရတယ်။ ကျနော်တို့ စပါးနှံနဲ့ ကျားဖြူကို ထည့်ထားတယ်” လို့ ပြောပါတယ်။ မဲပေးခွင့်ရှိသူ ၂ဝဝဝ ရှိတဲ့အနက် အားလုံးလိုလို မဲရုံကိုသွားကြတယ်လို့လည်း ဆိုပါတယ်။

မိုးမောက်မှာ စည်းလုံးညီညွတ်ရေး ကချင်ပြည်နယ်၊ ကျားဖြူ ခေါ် ရှမ်းတိုင်းရင်းသား ဒီမိုကရေတစ်ပါတီ၊ တစညနဲ့ ကြံ့ဖွံ့ပါတီတို့ ယှဉ်ပြိုင်ကြမှာပါ။

မုံရွာ

စစ်ကိုင်းတိုင်း မုံရွာမြို့ အုန်းခြံရပ်ကွက်ထဲက ပြဿာဒ်ကျောင်းထဲမှာ မဲပေးတဲ့အခါ လွတ်လွတ်လပ်လပ် ရှိပေမယ့် မဲပေးသူ ခြောက်ခြောက်ကပ်ကပ်ပဲလို့ ကိုယ်တိုင် မဲထည့်ခဲ့သူ ဒေသခံက ပြောပါတယ်။

’’မဲရုံမှာက ခြောက်ခြောက်ကပ်ကပ်ပဲ။ ဘယ်သူမှ သိပ်မလာဘူး။ မဲစာရင်း နံပါတ်ထုတ်တဲ့အခါ လက်မှတ်ထိုးရတယ်။ ကြည့်တဲ့အခါ ဦးရေက တော်တော်ကို နည်းတယ်။ ကျနော် သွားထည့်တုန်းက ၆-၇ ယောက်လောက်ပဲ ရှိသေးတယ်။ ကျနော် ထည့်ခဲ့ရတာက မဲပုံး ၃ ပုံးပေါ့။ သိပ်ပြီးတော့ နားမလည်ဘူး။ အမျိုးသား လွှတ်တော်ရယ်၊ တိုင်းလွှတ်တော်ရယ်၊ ပြည်သူ့လွှတ်တော်က ကြံ့ခိုင်ရေးနဲ့ တစညပါတီ ၂ ခုပဲ ရှိတယ်။ ဘယ်သူမှ မထည့်ပါဘူး။ လျှောက်ခြစ်ထားခဲ့တယ်။ မဲကတော့ လွတ်လွတ်လပ်လပ်တော့ ပေးရတယ်။ လိုက်ကာနဲ့ဘာနဲ့ ကာထားတာ မဟုတ်ဘူး။ ဒီအတိုင်းပဲ အခန်းလေးတွေ ကန့်ပြီးတော့ထားတယ်’’ လို့ သူက ပြောပါတယ်။

အေးစက်စက် မြဝတီမဲ
ကရင်ပြည်နယ် မြဝတီမြို့မှာ မဲပေးသူ နည်းတယ်လို့ လူဝင်မှု ကြီးကြပ်ရေးဌာန အရာရှိ တယောက်က ဆိုပါတယ်။

“မြဝတီဆိုတာလည်း သိတဲ့အတိုင်းပဲ။ လူတွေက ဗုံးကွဲမှာကို အဓိက ကြောက်နေကြတာရယ်၊ ဒီမဲဆိုတာကြီးကို စိတ်မဝင်စားကြတာရယ်ပေါ့လေ။ တာဝန်ရှိတဲ့ လူတွေကတော့ အိမ်ထောင်စုရှိသူ၊ မဲပေးခွင့်ရှိသူတွေကို မဲမထည့်မနေရ ပုံစံမျိုးတော့ လုပ်ထားတာပဲ။ အခုချိန်ထိတော့ မဲရုံမှာတင် အေးတာမဟုတ်ဘူး၊ ကျောက်လုံးကြီးတို့ ရွှေမင်းဝံဘုရားတို့နဲ့ လမ်းမတွေပေါ်မှာကို လူမရှိတာ” ဟု သူက မဇ္ဈိမကို ပြောပြပါတယ်။

မြို့တွင်းမှာ လုံခြုံရေးတွေကို နေရာအနှံ့ ချထားတယ်လို့ မြဝတီမြို့ခံ ကုန်သည်ကြီး တယောက်ကလည်း မဇ္ဈိမကို ပြောပါတယ်။

အညာနွေတမာမြေ