သတိ ဆရာဝန်ချောဆွဲသည်။

မန္တလေးတိုင်းဒေသကြီး၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက ၂၀၁၁ ခုနှစ်၊ ဇန်န၀ါရီ(၂၃)ရက်နေ့ နံနက်(၈)နာရီမှ (၁၂)နာရီအတွင်း ချမ်းအေးသာဇံမြို့နယ်၊ သကျသီဟဘုရား၊ ဝေဇယန္တာဓမ္မာရုံတွင် အခမဲ့ဆေးကုသကာ ၀ါဒဖြန့်မည်ဆို၏။

ထိုသို့အခမဲ့ဆေးကုသမည့်အစီအစဉ်တွင် မန္တလေးမြို့ပေါ်ရှိ ဆေးရုံကြီးများ(အထွေထွေရောဂါကုဆေးရုံကြီး၊ ကလေးဆေးရုံကြီး စသဖြင့်တို့)မှ အထူးကုဆရာဝန်ကြီးများအား လာရောက်ကုသပေးရန် စာဆင့်ခေါ်နေကြောင်း ကြားသိရသည်။

စာပါအကြောင်းအရာ၌ "ကျန်းမာရေးစောင့်ရှောက်မှုလုပ်ငန်းအတွက် ဆရာဝန်များအကူအညီပေးနိုင်ပါရန် ကိစ္စ" ဟု ရေးသားပြီး မန္တလေးတိုင်း၊ ကြံ့ဖွတ်အတွင်းရေးမှူး ၀င်းမောင် လက်မှတ်ထိုးကာ ဆေးရုံအုပ်ကြီးများနှင့် တိုင်းကျန်းမာရေးဦးစီးဌာနကို လိပ်မူထား၍ အထူးကုဆရာဝန်များကို ဆင့်ဆိုခေါ်ယူနေကြောင်းကြားသိရသည်။

စစ်အာဏာရှင်များ၏ ဥပဒေများတွင် ၀န်ထမ်းများသည် ပါတီနိုင်ငံရေးကင်းရှင်းရမည်ဟု ထုတ်ပြန်ထားသော်လည်း ယခုအခါ ဘောင်းဘီချွတ်+သာပေါင်းညာစားတို့၏ ကြံ့ဖွတ်ပါတီကမူ ၀န်ထမ်းအထူးကုဆရာဝန်များကိုဆင့်ဆိုခေါ်ယူ၍ ပါတီနာမည်တက်ရန်ကိစ္စအတွက် အသုံးချနေရာ အမြင်မတော် ဆင်ချော်နှင့် ခလောက်ကဲ့သို့ ဖြစ်နေပါသည်။

အထူးကုဆရာဝန်ကြီးများမှာ ဆေးရုံ၊ ဆေးခန်းတာဝန်လုပ်ငန်းများနှင့် မအားလပ်၊ အလုပ်များနေသည့်ကြားမှ ကြံ့ဖွတ်ပါတီနာမည်တက်ဖို့အရေးအတွက် ဖိအားပေးခေါ်ယူခံနေရခြင်းလည်းဖြစ်သည်။

ယခုကဲ့သို့ ကြံ့ဖွတ်ပါတီအနေဖြင့် ဆေးရုံကြီးများမှ အထူးကု ၀န်ထမ်းဆရာဝန်များကို ခေါ်ယူကာ အခမဲ့ဆေးကုသခွင့်ရှိသည်ဆိုလျှင် အခြားပါတီများအနေဖြင့်လည်း လက်မနှေးဘဲ ကြံ့ဖွတ်ပါတီနည်းတူ ဆေးရုံကြီးများမှ အထူးကုဆရာဝန်များကို ဆင့်ဆိုခေါ်ယူ၍ အခမဲ့ဆေးကုသ၀ါဒဖြန့်ရာ၌ အသုံးချနိုင်ကြပြီဖြစ်ပါကြောင်း သတင်းကောင်းပါးလိုက်ရပါသတည်း။

မန်းမြို့မှ မောင်မည်း