-->

Thursday, July 14, 2011

ဆရာတော်ဘဒ္ဒန္တဇ၀န(ယောဆရာတော်)၏ထေရုပ္ပတ္တိ (1938-2011)


-

သက်တော်(၇၃)နှစ်၊၀ါတော်(၅၃)၀ါရှိ ခြောက်ထပ်ကြီးဘုရားတိုက်၊ သာသနာဂုဏ်ရည်ကျောင်းဆရာတော်ကို မကွေးတိုင်း၊ဂန့်ဂေါမြို့နယ်၊ အိမ်သစ်ကျေးရွာနေ ခမည်းတော်(ဦးစိန်မြ) မယ်တော်(ဒေါ်ချစ်ခိုင်)တို့၏မွေးချင်း (၅)ယောက်အနက် တတိယသားရတနာဖြစ်ပါသည်။ မြန်မာသက္ကရစ် ၁၃၀၀ပြည့်နှစ်တွင် မွေးဖွားသန့်စင်ခဲ့ပါသည်။ ငယ်နာမည်မှာ မောင်စိုးဝင်းဖြစ်ပြီး၊ငယ်စဉ်ကပင် ဇ၀နဘွဲ့ဖြင့်ကိုရင်ဝတ်ခဲ့ပါသည်။
၁၃၂၀ခုနှစ်တွင် ရဟန်းဘောင်သို့ဝင်ရောက်ခဲ့ပြီး မန္တလေးမြို့တွင် ရဟန်းစာဝါလိုက်ခဲ့ပြီးနောက် ရန်ကုန်မြို့ခြောက်ထပ်ကြီး သာသနာဂုဏ်ရည်ကျောင်းတိုက် နိုင်ငံတော်သံဃာ့နာယကဒုတိယဥက္ကဌဆရာတော်အဂ္ဂမဟာပဏ္ဏိတဘဒ္ဒန္တ အာဒိစ္စရံသီထံတွင် ပရိယတ် ပဋိပတ္တိစာဝါများလိုက်ကာ သီတင်းသုံးခဲ့ပါသည်။

ဆရာတ်ာကြီးဘန္ဒန္တ္တအာဒိစ္စပျံလွန်တော်မူပြီးနောက်သာသနဂုဏ်ရည်ကျောင်း၏ကျောင်းထိ်ုင်ဆရာတော်အဖြစ် ဆက်လက်သီတင်းသုံးနေထိုင်လာခဲ့ပါသည်။ဆရာတော်မှာကြည်ညိုစရာကောင်းပြီးအေးဆေးတည်ငြိမ်စွာဖြင့်
ဖာသိဖာသာနေထိုင်လေ့ရှိပါသည်။ သူတပါးဝန်ထုပ်ဝန်ပိုးဖြစ်မှာ လွန်စွာစိုးရိမ်တတ်ပြီး ပျံတော်မူသည့်နှစ်အထိ ဆွမ်းခံစားလေ့ရှိပြီး ဒကာ၊ ဒကာမများ၏ပို့ဆွမ်းကိုလက်ခံလေ့မရှိပါ ဆရာတာ်၏ထူးခြားချက်မှာ ရဟန်းဘောင်ဝင်ရောက်ပြီးမှ အစိုးရမူလတန်းကျောင်းစာအုပ်ကို သင်ယူပြီး ဥပဒေဘွဲ့ (BA-BL )ရသည်အထိတက္ကသိုလ် ပညာကိုရယူခဲ့သူဖြစ်ပါသည်။

ဆရာတော်မှာ သတ္တိအလွန်ကောင်းပြီး ဖြောင့်မတ်တည်ကြည်သူဖြစ်ပါသည်။ သာသနဂုဏ်ရည်ကျောင်းသို့ ရောက်လာသမျှသော နိုင်ငံရေးလောကမှ ပုဂ္ဂိုလ်များကို ၁၉၈၈ အရေးအခင်း ကာလ မှသည် ပျံလွန်တော်မူသည့်အချိန်အထိ လွန်စွာဂရုဏာထား၍ စောက်ရှောက်ခဲ့သည်မှာ လွန်စွာထူးခြားသည့်အချက်ဖြစ်သည်။ ကျောင်းသားအဖွဲ့အစည်းမျိုးစုံ နိုင်ငံရေးပါတီများမှ ပုဂ္ဂိုလ်များ၏ ဘာသာရေးကိစ္စများ အခက်အခဲများကို ဂရုဏာထားပြီး လက်ခံဆောင်ရွက် ပေးတော်မူခဲ့သည်။ ရန်ကုန်မြို့တွင် နိုင်ငံရေးလောကများမှ သာဿနာရေးကိစ္စများကို စစ်အစိုးရ၏ဖိအားကို လျစ်လှူရှူ့ပြီး လက်ခံဆောက်ရွက်ပေးသော လက်ချိုးရေတွက်၍ရသည့် ကျောင်းများထဲတွင် ဆရာတော်၏ ခြောက်ထပ်ကြီးဘုရားကြီးတိုက်သာဿနာ ဂုဏ်ရည်ကျောင်းမှာလွန်စွာ နာမည်ကြီးသည့်အတွက် စစ်အစိုးရ၏ စောင့်ကြပ်ကြည့်ရှု့ခြင်းကို အမြဲခံခဲ့ရပါသည်။

တခါကအာဏာပိုင်အဖွဲ့အစည်းမှ တာဝန်ရှိသူများ ရောက်လာပြီးနိုင်ငံရေး အသိုင်းအ၀ိုင်းမှ လူများ၏ ဘာသာရေးကိစ္စများကို လက်မခံရန် လျှောက်ထားရာတွင် ဆရာတော်က တရားဝင်အမိန့်စာ ထုတ်၍ တားမြစ်ပါက လက်ခံမည့် အကြောင်း မိန့်ကြားခဲ့သဖြင့် တာဝန်ရှိသူများ ပြန်သွားခဲ့ပါသည် ။ နောက်ထပ်၍လည်း ရောက်မလာခဲ့ပါ။

၂၀၀၇ ရွှေဝါရောင်တော်လှန်ရေး ပေါ်ပေါက်လာသောအခါ စစ်အစိုးရမှ ကျောင်းတိုက်များကို လက်နက်ကိုင်များ၊ စွမ်းအားရှင်များ ၊ကြံ့ဖွံ့များနှင့် ၀င်ရောက်စီးနှင်းခဲ့ရာတွင် ဆရာတော်၏ ကျောင်းမှာ ပထမဦးစားပေးအဖြစ် သတ်မှတ်ခံရပြီး ပထမဆုံးစီးနင်းခံခဲ့ရပါသည်။ ဆရာတော်၏ ကျောင်းမှ သံဃာအားလုံးကို ဖမ်းဆီးပြီး အင်းစိန် GTI စစ်ကြောရေးစခန်းတွင် လူဝတ်လဲခဲ့ပါသည်။ လာရောက်ဖမ်းဆီး စဉ်က ဆရာတော် မှာကံအားကြီး၍ သီသီလေး လွတ်မြောက်ခဲ့ပြီး ဒကာများ၏ အိမ်တွင် ဒုက္ခပင်ပန်းကြီးစွာ ခိုးကြောင်ခိုးဝှက် သီတင်းသုံးခဲ့ရပါသည်။ စစ်အစိုးရလုံခြုံရေးတပ်များက ဆရာတော်၏ အခန်းကို ၀င်ရောက် မွှေနှောက်ရှာဖွေပြီး ဆရာတော်ထံ ဒကာ၊ဒကာမများကအပ်နှံထားသော လက်ဝတ်ရတနာ အထုတ်(၂)ထုတ်ကိုလည်း သိမ်းဆည်းသွားရာ ယခုအထိ ပြန်မရတော့ပါ ။
ဆရာတော်ကျောင်းမှ ဦးပဇင်းများကို ( Mr Ganbari ) ကုလသမဂ္ဂကိုယ်စားလှယ်၏ခရီးစဉ်အတွင်း ပြန်လွှတ်ပေးခဲ့သော်လည်း ဆရာတော်၏ သာဿနဂုဏ်ရည်ကျောင်းကို စစ်အစိုးရမှ ချိတ်ပိတ်သိမ်းပိုက်ခဲ့သည်မှာ ယနေ့အထိဖြစ်ပါသည်။

ဆရာတော်မှ ၄င်းကိစ္စနှုင့်ပတ်သတ်ပြီး သံဃာတော်များအတွက် များစွာစိတ်မကောင်းဖြစ်ခဲ့ပါတယ် ၄င်းကိုယ်တိုင်လည်း နယ်များတွင် ခိုးကြောင်ခိုးဝှက် သတင်းသုံးခဲ့ရပါသည်။ မိမိ၏ ကျန်းမာရေးကိုလည်း ဂရုမစိုက်နိုင်ပဲရှိခဲ့ရာမှ ကျန်းမာရေးဆိုးဝါးလာပြီး အဆုတ်ကင်ဆာ ဝေဒနာကိုပြင်းထန်စွာ ခံစားရင်း ၂၀၁၁ ခုနှစ်ဇူလိုင်လ ၁၀ရက်၊ (၁၃၇၃ ခုနှစ် ၀ါဆိုလဆန်း ၁၀ရက်) ည ၈ နာရီတွင် ခြောက်ထပ်ကြီးသာဿနာဇောတိကကျောင်းတွင် ဘ၀နတ်ထံ ပျံလွန်တော်မူခဲ့ပါသည်။

ဆရာတော်၏ ထူးခြားချက်နောက်တစ်ခုမှာ ပျံလွန်တော်မူသည့်အချိန်အထိ မိမိ၏ကျောင်းပြန်လည် ရရှိရေးအတွက် စစ်အစိုးရထံတွင် တစ်ကြိမ်တစ်ခါမျှ ဒူးထောက်အညံ့ခံခဲ့ခြင်းမရှိခဲ့ပါ။

ဘ၀သံသရာ ရထားကြီးပေါ်ကနေ တယောက်ဆင်း တယောက်တက် မနားတမ်းထွက်ခွာနေတဲ့ခရီးမှာ သံဃအာဇာနည်များ ထပ်မှန်ပေါ်ထွန်းပါစေ။

လူအချင်းချင်း နှိပ်စက်ချင်းကင်းရှင်းကြပါစေ

သံဃာအချင်းချင်း ၀န်တိုချင်းကင်းရှင်းကြပါစေ

ဒို့မေတ္တာစွမ်း ကမ္ဘာလွှမ်း အေးချမ်းကြပါစေ

No comments:

There was an error in this gadget