-->

Sunday, October 23, 2011

ပခုက္ကူ ချောင်းရေဘေး ကယ်ဆယ်ရေး နောက်ဆုံးအခြေအနေ

ပခုက္ကူမြို့မှာ ချောင်းတိုက်စားလို့ ရေထဲမျောပါသေဆုံးသူစာရင်းဟာ အရင်ရက်က ၈၃ယောက်ရပြီလို့ ပြောပေမယ့် မနေ့ညကနောက်ဆုံးရရှိတဲ့စာရင်းအရ တရာကျော်သွားပြီလို့ ဒီအကြောင်းစာရင်းပြုစုနေသူတွေအပြောအရ သိရပါတယ်။ ရေဘေးသင့်ဒေသခံတွေအတွက် အနီးနားတ၀ှိုက်မှာရှိတဲ့ မိုးကုတ်ရိပ်သာ၊ တိလောကရာမ၊ မတ္တထောင်နဲ့ ကျောက်မိကျောင်း ဘုန်းကြီးကျောင်းတွေက ရေဘေးဖြစ်ဖြစ်ခြင်း ကူညီဖို့ အသင့်လုပ်ထားခဲ့ကြတဲ့အကြောင်း ဆရာတော် ဦးစန္ဒောဘာသက မိန့်ပါတယ်။

ဘုန်းကြီးကျောင်းတွေမှာ မှီခိုနေတဲ့ ဒုက္ခသည်တွေ ၂ထောင်ကျော်အတွက် သက်ဆိုင်ရာက ထမင်းထုပ်ဝေတာ လောက်ငှမှုမှရှိတာတွေကိုတော့ ဘုန်းကြီးကျောင်းတွေကဘဲ ချက်ပြုတ်ကျွေးနေရတယ်လို့ သိရပါတယ်။ ရေဘေးဖြစ်ပြီးလို့ ဒီကနေ့ ၄ရက်မြောက်တဲ့နေ့မှာတော့ နိုင်ငံတော်ဒုသမတ ဒေါက်တာစိုင်းမောက်ခမ်း ပခုက္ကူကိုရောက်လာပြီး နိုင်ငံတော်အနေနဲ့ ကူညီသွားတဲ့အခြေအနေကို မြိုမိမြို့ဖ တဦးက ပြောပါတယ်။
ခုနိုင်ငံတော်အနေနဲ့ ပေးတဲ့ သိန်း ၃ထောင်ကျော်ဟာ ပခုက္ကူ ခရိုင်တွင်းမှာရှိတဲ့ ပခုက္ကူ မြိုင် ပေါက် ဆိပ်ဖြူ စတဲ့ မြို့နယ်အားလုံးက ပျက်စီးသွားတဲ့ ရွာပေါင်း ၆၀ ကျော်အတွက်လို့ သိရပါတယ်။ ခုလိုမကြုံစဖူး ဖြစ်ပျက်ခဲ့ရတဲ့အကြောင်းအရင်းမှန်ဟာ မိုးရွာတာသက်သက်ကြောင့်မဟုတ်ဘဲ မြိုင်နယ်မှာရှိတဲ့ ဗင်းဂန် သစ်ကြီးတော နဲ့ ကိုင်း စတဲ့နေရာတွေကဆည်တွေနဲ့ တိုက်ရိုက်သက်ဆိုင်တယ်လို့ ဒီအကြောင်းအသေးစိပ်ရေးသားနေတဲ့ စာရေးဆရာ ဒေါက်တာသက်လွင်ပြောပြပါတယ်။
ဒီနေ့ထုတ် အစိုးရသတင်းစာမှာတော့ ပခုက္ကူမြို့က သေဆုံးသူစာရင်းဟာ ၅၈ ဦး၊ ပေါက်မြို့နယ်မှာ ၁၉ ဦး မြိုင်မြို့နယ်မှာ ၅သေဆုံးပြီး ပျောက်ဆုံးသူတွေ ရှိသေးတယ်လို့ ရေးထားပေမယ့် ပခုက္ကူဒေသခံတွေကတော့ လက်ရှိသေဆုံးစာရင်း ၁၀၀ ကျော်ရထားပြီးဖြစ်လို့ သေဆုံးစာရင်းစုစုပေါင်းရင် ၂၀၀ ကျော်မယ်လို့ ပြောဆိုနေကြောင်းပါခင်များ
ဘုန်းကြီးကျောင်းတွေမှာ ခိုလှုံနေရတဲ့ ရေးဘေး ဒုက္ခသည်များ
video

No comments:

There was an error in this gadget